Անառակաբարո գործողություններ՝ 12-ամյա աղջկա նկատմամբ

Արարատի բնակչուհի 12-ամյա Ս.Ս.-ի նկատմամբ պարբերաբար անառակաբարո գործողություններ կատարած 51-ամյա Մարտիկ Բաղդասարյանը այսօր` օգոստոսի 7-ին տեղափոխվել է Նուբարաշենի քրեակատարողական հիմնարկ: Այս մասին Լուրեր.com-ի հետ զրույցում ասաց ՀՀ արդարադատության նախարարության ԱՆ քրեակատարողական վարչության լրատվական վարչության պետ Գոռ Ղլեչյանը:

Լուրեր.com-ի հետ զրույցում ՀՀ ոստիկանության հասարակայնության և լրատվության հետ կապերի վարչության աշխատակից Արմեն Մալխասյանն ասաց, որ ՀՀ ոստիկանության Արարատի բաժնում հաղորդումը տրվել է հուլիսի 31-ին և հարուցվել է քրեական գործ՝ ՀՀ քրօրի 139 հոդվածի 3 մաս (սեքսուալ բնույթի բռնի գործողությունները, որը կատարել է 14 տարին չլրացած անձի հետ) 

Ավելացնենք նաև, որ լրատվամիջոցներից մեկը նշել է, որ երեկ Արարատի մարզի ընդհանուր իրավասության դատարանի դատավոր Հարություն Ենոքյանը բավարարել է Արարատի քննչական բաժնի քննիչի միջնորդությունը այն մասին, որ Մարտիկ Բաղդասարյանի նկատմամբ երկամսյա կալանքի որոշում կայացվի:

Նշենք նաև, որ NEWS.am-ի տեղեկություններով՝ անչափահաս աղջիկը գտնվել է տատիկի խնամքի ներքո, քանի որ մայրը մահացած է, իսկ հայրը բնակվում է արտերկրում: Աղջիկը տատիկի հետ բնակվել են հանրակացարանում:

Մարտիկ Բաղդասարյանն աղջկա նկատմամբ անառակաբարո գործողությունները կատարել է իր ավտոտնակում: