Սիրեք Ձեր հայրենակիցներին, Ձեր պետությունը, Ձեր ԺՈՂՈՎՐԴԻՆ. Վլադիմիր Վարդանյանը՝ ընդդիմությանը

«Զարմանում եմ, որ այլևս ոչնչի վրա չեմ զարմանում։ Այս Աստվածաշնչյան երեկո, երբ ողջ քրիստոնյա համայնքը նշում է Սուրբ Ծնունդը կան մարդիկ, ովքեր փորձում են բծեր գտնել մեր արածի, ասածի, գրածի, մտածածի և նույնիսկ բամբասածի մեջ»,- ֆեյսբուքյան իր էջում գրում է ԱԺ Իմ քայլը խմբակցության պատգամավոր Վլադիմիր Վարդանյանը։

«Չեք ամաչում։ Տեխնիկական սոփեստական դետալներից բռնվելով, փրփուրը շուրթերիդ փորձում եք ցույց տալ մեզ մեր"անգրագիտությունը"։ Ո՞վ եք դուք, դուք ոչ անցյալ ունեք, ոչ ներկա, ոչ ապագա։ Միթե, իրոք, չեք հասկանում, որ Ձեր արածը, ասածը, բամբասանքը զավեշտ է առաջացնում։ Ուզում եք մարտահրավե՞ր նետեք, ով դո՞ւք, ո՞ւմ մեզ, ի՞նձ, գնացեք կրթվեք, գնացեք եկեղեցի, եթե հավատացյալ եք և աղոթեք, գնացեք հոգեբանի մոտ և արտահայտվեք, բայց Ձեզ իրավագիտության ռահվիրաների տեղ մի դրեք, Ձեր կասկածելի գիտելիքներով և կապերով։ Գնացեք խաղաղությամբ, գնացեք պատվով, գնացեք, որ Ձեզ հիշեն լավ բառերով, գնացեք արժանապատվությամբ, որպես ՀՀ քաղաքացիներ, գնացեք որպես հայրենասերներ, գնացեք, որ տեղ թողնեք բարևի, հարգանքի։
Գնացեք, որպեսզի կարողանաք ժողովրդի աչքերի մեջ նայեք։
Գնացեք Արփինեի օրենքը վերլուծեք, երբ առաջին ընթերցմամբ ընդունված օրենքը անմեղ գառնուկների մասին էր, իսկ երկրորդ ընթերցմամբ վերածվեց սահմանադրական կարգի տապալման փորձի։ Գնացեք և մտածեք, մտածեք և վերլուծեք, վերլուծեք և գնահատեք, գնահատեք և իմաստավորեք։ Բայց մի Խայտառակվեք։

Այս Սուրբ Ծննդյան խորհրդի ներքո գնացեք բարով, մնացեք բարով։

Եվ սիրեք, սիրեք Ձեր հայրենակիցներին, Ձեր պետությունը, Ձեր ԺՈՂՈՎՐԴԻՆ

ՔՐԻՍՏՈՍ ԾՆԱՎ ԵՎ ՀԱՅՏՆԵՑԱՎ

ՄԵԶ ԵՎ ՁԵԶ ՄԵԾ ԱՎԵՏԻՍ»: