Ադրբեջանի հավաքականի ֆուտբոլիստի վարսահարդարը հայ է
Այլ
Հայաստանից Գերմանիա մեկնած երիտասարդ վարսահարդար Հովիկ Մանուկյանը, որն ապրում է Աուէ-Բադ-Շլեմ քաղաքում, ակտիվորեն զարգացնում է իր բիզնեսը: 22-ամյա տղան գերմանական քաղաքում վարսավիրանոց է բացել և, ինչպես հաղորդում է Rusarminfo-ն, 3,5 ամսում նրա մոտ հաճախորդների պակաս չկա: Նրանց թվում են նաև հայտնի մարդիկ:
«Վարսավիրանոցի բացումից երկու օր անց իմ հաճախորդների թիվն ավելացավ ևս մեկով, նա Ադրբեջանի ֆուտբոլի հավաքականի և «Էրցգեբիրգե Աուէ» ակումբի խաղացող Դմիտրի Նազարովն է»,- պատմել է Մանուկյանը:
Նշվում է, որ Մանուկյանը 2012 թվականին Հայաստանից ընտանիքի հետ միասին տեղափոխվել է Գերմանիա: Որոշ ժամանակ անց նա սովորել է վարսահարդարություն, իսկ 2016-ին կազմակերպել է մազերի նորաձևության ցուցադրություն: 2017 թվականին քաղաքային իշխանություններն օգնել են Մանուկյանին և նրա ընտանիքին խուսափել արտաքսումից:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
