Մեկնարկում է անչափահասի բռնաբարության գործով մեղադրյալ նախկին գյուղապետի դատավարությունը
Իրավունք
Սյունիքի մարզի ընդհանուր իրավասության դատարանում այսօր մեկնարկում են Հարթաշեն գյուղի նախկին գյուղապետ Ազատ Ղուկասյանի դեմ հարուցված քրեական գործով դատական լսումները։
Նախկին գյուղապետը մեղադրվում է «անառակաբարո գործողություններով զուգորդված բռնությամբ դա գործադրելու սպառնալիքով» անչափահաս Ա.Պարոնյանին բռնաբարելու համար։
Հիշեցնենք, որ 1997 թվականին ծնված Ա. Պարոնյանի հարազատների բողոքի հիման վրա Գորիսի քննչական բաժնում քրեական գործ էր հարուցվել քրեական օրենսգրքի 142-րդ հոդվածի հատկանիշներով. «Ակնհայտ տասնվեց տարին չլրացած անձի նկատմամբ անառակաբարո գործողություններ կատարելը» և 138-րդ հոդվածի 2-րդ մասի 3-րդ կետով՝ «անչափահասի բռնաբարություն»: Դատաբժշկական ու դատակենսաբանական փորձաքննությունները ցույց էին տվել, որ երեխայի նկատմամբ իսկապես սեռական բռնություն կատարվել է:
Հարթաշենի գյուղապետ Ազատ Ղուկասյանը, որը Հանրապետական կուսակցության անդամ է և նաև համատեղության կարգով գյուղի դպրոցում աշխատում էր որպես ֆիզկուլտուրայի ուսուցիչ, ամուսնացած է, ունի թոռնիկներ:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
