5 աշխատանքային օր ժամկետ` «Հարսնաքարի» գործի նյութերի ուսումնասիրության համար

Քիչ առաջ Lurer.com-ը կապվեց Ոստիկանության հասարակայնության հետ կապերի և լրատվության վարչության պետի տեղակալ Արմեն Մալխասյանի հետ, ով հաստատեց այն տեղեկությունը, որ Հարսնաքարի գործով փաստաբաններին տրամադրվել է 5 աշխատանքային օր՝ գործի նյութերին ծանոթանալու համար:

Փաստաբան Տիգրան Եգորյանը հավաստեց, որ իրենց արդեն տեղեկացրել են ժամկետի երկարաձգման մասին՝ մինչև օգոստոսի 18-ը (ներառյալ): 

Հիշեցնենք, որ մինչ այդ դատախազությունը նախաքննական մարմնին հանձնարել էր երկարաձգել գործի նյութերին ծանոթանալու ժամկետը: