Մեզ նման նախարար, նման գերագույն գլխավոր հրամանատար պետք չէ. Պավլիկ Մանուկյան

Բանակում այս ընթացքում ոչ մի բան չփոխվեց: Այս մասին այօր` փետրվարի 16-ին, ֆեյսբուքյան ուղիղ եթերում ասաց ազատամարտիկ, ՊՊԾ գնդի գրավման գործող անցնող Պավլիկ Մանուկյանը:

«Եթե մենք մեր զինվորին եւս մեկ անգամ թողենք մենակ, բարոյալքված ու հույսը կտրած զինվոր ունենանք, մենք կկորցնենք մեր հայրենիքը: Բանակում ոչ մի բան չփոխվեց, մնացին կոռումպացված գեներալները, մնացվին նույն բարոյազուրկները: Կայազորային դատախազ են նշանակում բանակ չծառայած, բանակից պատկերացում չունեցող մի անձի: Այսինքն գործեր կարելու էդ սովորական մեթոդը առ այսօր շարունակվում է: Հեղափոխություն ասվածը եկավ ոչ թե ուղղելու, վնասները շտկելու, այլ հարթելու, կոծկելու եւ ամենահզոր կետը, որ մենք ունենք` բանակը, դարձել է ամենախոցելին: Սիրելի ժողովուրդ, մեզ նման նախարար պետք չէ, մեզ նման շտաբի պետ պետք չէ, մեզ նման գերագույն գլխավոր հրամանատար, որը պատկերացում չունի բանակից եւ բանակում ծառայած չի, պետք չէ: Մեր պետության երաշխավորը բանակն է»,-ասաց նա:

Անդրադառնալով վերջերս շահարկվող «անվտանգության գոտի» հասկացությանը, Մանուկյանը ասաց, որ անվտանգության գոտի հասկացություն գոյություն չունի, դա մեր հայրենիքի ազատագրված տարածքն է եւ դեռ ունենք ազատագրվելիք ահռելի տարածքներ:

«Այս ինչ հիմար ոչ դիվանագիտական արտահայտություններ են անում, մենք մեկ անգամ եւս դանակով հարված ենք հասցնում հայ զինվորի թիկունքին: Այսինքն` նա վստահ չէ՝ այդ ազատագրված տարածքը վաղն իրեն է լինելու, թե չէ: Սա է ամբողջ խնդիրը, որ մեր երեխաները բանակից հետ են գալիս չձեւավորված, ընկճված»,- ասաց նա:

Ազատամարտիկի խոսքով` ցավալին այն է, որ մահացած զինծառայողներին մահից հետո ստորացնում են` կատարվածը ինքնասպանություն որակելով․ «Մայրերը ողբում են նրա համար, որ ոչ թե զոհ են տվել, այլ անարդարության դեմ: Մայրերին պատասխանելու նույնիսկ շնորհք չունեն, հիմա էլ ներքաշել են «Այո»-ի եւ «Ոչ»-ի մեջ: Մենք հույս ունեինք, որ այս «ավգյան ախոռները» պետք է մաքրվեր, բայց ժողովրդին ներքաշել են այս ախոռներում «քուջուջ» անելու: Ոչ «Այո»-ն է մեզ պետք, ոչ էլ «Ոչ»-ը, արհամարհել է պետք: Ուղղակի բոյկոտել է պետք այս անառակությունը»։