Ու՞մ հետ է խորհրդակցում դատավորը դատարկ սենյակում
Իրավունք
ՀՀ քրեական դատավարության օրենսգրքի 39-րդ հոդվածի 2-րդ կետի համաձայն՝ «Առաջին ատյանի դատարանում գործերը և նյութերը քննվում են դատավորի կողմից՝ միանձնյա: Նույն օրենսգրքի 359-րդ հոդվածը սահմանում է. «Դատարանը դատավճիռը կայացնում է խորհրդակցական սենյակում: Խորհրդակցական սենյակում կարող են ներկա գտնվել միայն տվյալ գործը քննող դատարանի կազմում ընդգրկված դատավորները: Այլ անձանց ներկայությունը չի թույլատրվում»:
Ստացվում է հետևյալ պատկերը՝ գործը միանձնյա քննող դատավորը գնում է խորհրդակցական սենյակ, որտեղ կարող են ներկա գտնվել միայն տվյալ գործը քննող դատարանի կազմում ընդգրկված դատավորները, այսինքն' միայն ինքը՝ միանձնյա դատավորը:
Հիմա փորձենք պատկերացնել. նա մուտք է գործում խորհրդակցական սենյակ ու սկսում խորհրդակցել, բայց ո՞ւմ հետ: Չէ՞ որ ՀՀ քրեական դատավարության օրենսգրքի 359-րդ հոդվածի համաձայն՝ «այլ անձանց ներկայությունն արգելվում է»: Միգուցե խորհրդակցական սենյակում դատավորը խորհրդակցում է իր խղճի՞ հետ, թե՞ օգտվում է «զանգ ընկերոջը» տարբերակից:
Ի դեպ, «Փաստինֆո» լրատվական գործակալությունը այս հարցի քիչ թե շատ տրամաբանական պատասխանը ստանալու համար դիմել է մի շարք գործող իրավաբանների, սակայն այդպես էլ որևէ ամբողջական պատասխան առայժմ չի ստացվել: Ուստի հարցերի պատասխանը թողնում ենք իրավաբանների դատին և սպասում արձագանքի:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
