Ավստրալիայում բժիշկները կարող են պաշտոնապես առաջարկել այս սարքը որպես այլընտըանք սիգարետին

Էլեկտրոնային սիգարետն Ավստրալիայում պաշտոնապես ճանաչվել է որպես ավելի քիչ վնասակար այլընտրանք սիգարետին։ Ավստրալիայի Ընդհանուր բժշկության թագավորական քոլեջը հրապարակել է մի փաստաթուղթ, որում ասվում է, որ էլեկտրոնային սիգարետի միջոցով նիկոտին սպառելը ավելի քիչ վնաս է հասցնում օրգանիզմին: Գիտնականները նման եզրահանգման են եկել այս ոլորտում մի շարք ուսումնասիրություններ կատարելուց հետո։

Ի՞նչ է պարզվել ուսումնասիրության արդյունքում․

Ռուսական Ինֆոթագ լրատվականը գրում է․ Ավստրալական ընդհանուր բժշկության ասոցիացիան մանրամասնորեն վերլուծել է բոլոր թեստերը, որոնք ապացուցում են վեյփինգի արդյունավետությունն ու վտանգի շեմը և եկել են այն եզրահանգման, որ սա արդյունավետ հնարավորություն է օգնել չափահաս ծխողներին հրաժարվել սիգարետից կամ նվազեցնել ծխելու հետ կապված ռիսկերը:

Մինչ այժմ բժիշկները իրավունք չունեին վեյփինգն առաջարկել որպես այլընտրանք, քանի որ այն չէր ենթարկվել պետական մարմինների կողմից փորձաքննության։ Այժմ, երբ Ավստրալիայի հանրային առողջության հարցերով զբաղվող հիմնական առողջապահական մարմինը բժիշկներին թույլատրել է վեյփինգը առաջարկել, ծխողները, կարող են դիմել բժշկի՝ էլեկտրոնային սիգարետի օգնությամբ սիգարետից հրաժարվելու համար։ Ավստրալիայում անցկացված ուսումնասիրության արդյունքում պարզվել է նաև, որ բժշկի աջակցությունն ավելացնում է ծխելը թողնելու հավանականությունը։ Միևնույն ժամանակ, փաստաթղթում հատուկ նշվում է, որ բժիշկ թերապեվտները ու առողջապահության ոլորտի մասնագետները իրավասու են խորհուրդ տալ վեյփինգը՝ որպես այլընտրանք սիգարետին։  Սա կդառնա ազգային հակածխախոտային ռազմավարության մի մասը:

Ժամանակակից մոտեցում․

Ժամանակակից բժշկության մեջ էլեկտրոնային սիգարետը, թութունը տաքացնող սարքերի հետ միասին, ճանաչված է որպես նիկոտին մատակարարելու և միևնույն ժամանակ «ծխելու սովորույթը» պահպանելու արդյսւնավետ միջոց։  Բացի այդ, ավստրալիայի հանձնաժողովը եզրակացրել է, որ վեյփինգն ու առանց ծխախոտի այրման աշխատող սարքերը, օգտատիրոջը հաճույք ու հանգստի զգացողություն են հաղորդում, ճիշտ այնպես, ինչպես սիգարետ ծխելիս։ Տարբերությունն այն է, որ նոր սարքերն օգտագործելիս ավելի քիչ վնասակար նյութեր են արտազատվում, քան ծխախոտն այրելիս։

Այլ ուսումնասիրություններ․

Վերջերս մեկ այլ՝ Մեծ Բրիտանիայում կատարված ուսումնասիրության համաձայն, այն ծխողների համար, ովքեր ուզում են սիգարետից հրաժարվել, վեյփինգը կրկնակի ավելի արդյունավետ միջոց է, քան նիկոտինային մաստակն ու սպեղանին։ Պետք է, իհարկե, հիշել, որ վեյփինգը նույնպես որոշակի ռիսկեր է պարունակում։ Այնուամենայնիվ, Մեծ Բրիտանիայից թերապևտների Թագավորական քոլեջի տվյալների համաձայն, երկարաժամկետ հեռանկարում վեյփինգը 95%-ով պակաս վնասակար է, քան սիգարետը:

Ավստրալիան միակ երկիրը չէ․

Աշխարհի ավելի ու ավելի շատ երկրներ փոխում են իրենց վերաբերմունքն ու այլ աչքով նայում սիգարետի այլընտրանքին՝ ծխախոտը տաքացնող համակարգերին, էլեկտրոնային սիգարետին կամ սնուսին։ Դրանք ներկայումս ավելի լայն ճանաչում են ստանում որպես ծխելու վնասակար սովորույթից հրաժարվելու կամ ծխելու հետ կապված ռիսկերը նվազեցնելու միջոց։

Չնայած Մեծ Բրիտանիայի Հանրային առողջապահության ազգային գործակալության (Public Health England) այն հայտարարությանը, որ այս ուղղությամբ անհրաժեշտ է լրացուցիչ հետազոտություն կատարել, առողջապահական մարմինը համոզմունք է արտահայտում, որ առկա ուսումնասիրությունները փաստում են․ ծխախոտը տաքացնող սարքերի օգտագործումը, սիգարետի համեմատ ավելի քիչ վնասակար լինելով, հեշտացնում է ծխելը թողնելու գործընթացը: Ըստ հաշվարկների, միայն Մեծ Բրիտանիայում էլեկտրոնային սիգարետն ու ծխախոտը տաքացնող սարքերը տարեկան օգնում են ավելի քան 20,000 մարդու հրաժարվել սիգարետից:

 Զարգացումներն ԱՄՆ-ում․

Մեկ այլ այլընտրանք, որը կարող է հետաքրքիր լինել նիկոտինային կախվածություն ունեցող անձանց համար, սնուսն է, որը նույնպես պակաս վնասակար է, քան սիգարետը: 2019 թվականի հոկտեմբերին ԱՄՆ Սննդամթերքի և դեղորայքի վարչությւոնը (FDA) պաշտոնապես լիազորեց շվեդական Match ընկերությանը առաջխաղացնել իր արտադրանքը ԱՄՆ տարածքում։ 

Այս թեմայով «Բի Էս Սի» Բիզնեսի Աջակցման Կենտրոնը հավաստագրեր հանձնեց Տվյալագիտության և ՏՏ Վաճառքներ դասընթացի մասնակիցներին Ե՞րբ է պետք ծխելը թողնել. սփոյլեր՝ երեկ Բացահայտումներ ծխելու իրական վնասի մասին Ֆիլիպ Մորրիսի գիտահետազոտական կենտրոնում քննարկվեց ապագա Հայաստանը (տեսանյութ) Այրում, ծուխ և խեժ՝ ծխելուց հիմնական վնասի պատճառները