Հայտնաբերվել է Գավառում կորած քաղաքացու դին. նրան գտել են մերկ

Հայտնաբերվել է Գավառում կորած քաղաքացու դին: Այս մասին ԼՈՒՐԵՐ.com-ի հետ զրույցում ասաց Գավառի քաղաքապետի տեղակալ Գրիգոր Բոշոյանը: 

«Ժամը 15:10-ին փրկարարները Գավառի «Բզոյի գյոլ» կոչվող տարածքի մոտակայքում հայտնաբերել են Բագրատ Մ.-ի (ծնված 1983 թ.) դին: Նա եղել է մերկ, մարմնի վրա անզեն աչքով տեսանելի բռնության նշաններ չեն եղել»,- ասաց նա:

Բոշոյանը նաև նշեց, որ մահացածը երկար տարիներ ապրել  է Ռուսաստանում է և մեկ շաբաթ առաջ էր վերադարձել:

Հիշեցնենք, որ փետրվարի 26-ին, ժամը 00:59-ին Ճգնաժամային կառավարման ազգային կենտրոն տեղեկություն է հաղորդվել, որ Գեղարքունիքի մարզի Գավառ քաղաքի Հացառատ թաղամասի բնակիչ Բագրատ Մ.-ն (մոտ 32 տարեկան) փետրվարի 25-ի ժամը 21:00-ի սահմաններում տնից դուրս է եկել և չի վերադարձել։