Կորոնավիրուսով հիվանդը պատմել է հիվանդասենյակի հարեւանների մահվան մասին. The Mirror

Լոնդոնի բնակիչն առողջացել է կորոնավիրուսից եւ պատմել, թե ինչպես են նրա աչքի առաջ մահացել հիվանդասենյակի մյուս հիվանդները: Այս մասին հայտնում է The Mirror-ը:

40-ամյա Ջոզեֆ Ուոլիսը հիվանդացել է ընկերների հետ փաբ այցելելուց հետո: Նա մեկ շաբաթ հազ եւ ջերմություն է ունեցել, նրան չէր բավականացնում օդը: Տղամարդը բժշկի չի դիմել, քանի որ չէր ցանկանում առանց այն էլ ծանրաբեռնված առողջապահական համակարգի համար բեռ դառնալ:

Ուոլիսի կինը՝ Էմման, անհանգստացել է ամուսնու ինքնազգացողության համար, եւ Ուոլիսը ինքնամեկուսացել է սենյակում` առանձնանալով կնոջից եւ երեխաներից: Նա դադարել է ծնողներին այցելել, քանի որ վախենում էր նրանց էլ վարակել:

Երբ տղամարդու վիճակն ավելի է վատացել, շտապօգնությունը նրան տարել է կորոնավիրուսով վարակվածների հիվանդանոց: Նրա ախտորոշումը հաստատվել է 30 ժամից:

Ուոլիսին տեղավորել են 6 հոգանոց հիվանդասենյակում: 3 օրվա ընթացքում, երբ տղամարդն անցկացրել է հիվանդասենյակում, նա ականատես է եղել, թե ինչպես են մահանում իր երկու հարեւանները: «Տարիքով տամարդը չէր կարողանում ինքնուրույն շնչել, իսկ հետո ես նրան այլեւս չեմ տեսել: Բուժքույրն ինձ ասաց, որ նա մահացել է: Մյուս հիվանդին տեղափոխել են վերակենդանացման բաժանմունք, բայց նրան նույնպես չի հաջողվել փրկել: Նա ծեր էր, այլ հիվանդություններ էլ ուներ»,- պատմել է Ուոլիսը:

Մյուսների ողբերգությանն ականատես լինելով՝ տղամարդը որոշել է մարդկանց զգուշացնել պետության կողմից հաստատված կանոնների պահպանման անհրաժեշտության մասին: «Մենք պետք է այդ ամենին լուրջ վերաբերվենք: Պետք չէ երեկույթներ կազմակերպել եւ հանդիպել ընկերներին, այլապես ավելի շատ մարդ կմահանա»,- ասել է նա:

Աղբյուրը՝ Blognews.am

Այս թեմայով Կորոնավիրուսի ժամանակ 829 կեղծ պատմագրի հիման վրա ԱՆ–ից հափշտակվել է 263 մլն 480 հազար դրամ Հունաստանում COVID-ի դեպքերի աճի պատճառով՝ խորհուրդ է տվել նորից դիմակներ կրել ՀՀ-ում կորոնավիրուսի շտամներ են շրջանառվում Աշխարհում ավելացել է COVID-19-ով հիվանդացության դեպքերի թիվը Սպիտակ տանը զգուշացրել են ԱՄՆ-ում կորոնավիրուսի նոր ալիքի հավանականության մասին. Washington Post