«Ինձ այստեղ շատ լավ են վերաբերվում». գյումրեցի 13-ամյա աղջնակն արդեն քայլում է (տեսանյութ)

Գյումրիում դաժան ծեծի ենթարկված 13-ամյա աղջնակը բժիշկների օգնությամբ քայլում է։

«Սուրբ Աստվածամայր» ԲԿ-ն հրապարակել է տեսանյութ, թե ինչպես է աղջնակը քայլում եւ խոսում: «Ինձ այստեղ շատ լավ են վերաբերվում։ Այնքան լավ, որ անգամ չեմ ուզում տուն գնամ»,- ասում է նա։

Հիշեցնենք, որ մարտի 5-ին Գյումրիում դաժան ծեծի էին ենթարկվել մայրն ու նրա անչափահաս դուստրը. կինը մահացել է, իսկ փոքրիկ աղջնակը ծայրահեղ ծանր վիճակում՝ մարմնական բազում վնասվածքներով տեղափոխվել «Սուրբ Աստվածամայր» ԲԿ։ Ծեծի ենթարկելու դեպքով կասկածյալը կալանավորված է, նրան մեղադրանք է առաջադրվել։