«Հայրապետյան եղբայրներ»-ից մեկը՝ Միշա Քալանթարյանն ինքնասպան է եղել (թարմացված)

«Միշա Քալանթարյանը ինքնասպան է եղել իր տանը»,- այս մասին Lurer.com-ի հետ զրույցում ասաց ՀՀ ոստիկանության հասարակայնության հետ կապի և լրատվության վարչության աշխատակից Արմեն Մալխասյանը:

Հանգամանքները պարզվում են, նշանակվել է դատաբժշկական փորձաքննություն, կատարվում է քննություն։

Նշենք, որ Միշա Քալանթարյանի ընտանիքին են պատկանում «Ararat Hall»-ը, «Նոկիա» խանութների ցանցը, Երևանի Գաջի գործարանը, «Հայաստան» հանրախանութը, Աէրացիա թաղամասում գտնվող ձիարշավարանը և BMW -ի ներկայացուցչությունը:

Հարուցվել է քրեական գործ, ՔրՕր-ի 110 հոդվածի 1-ին մասի հատկանիշներով(1. Սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը) և 235 հոդվածի 1-ին մասի հատկանիշներով (1. Ապօրինի կերպով հրազեն, բացի ողորկափող հրազենից եւ դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը: