Մբապեն ՊՍԺ-ի առջև պայման է դրել, թե որ դեպքում կհամաձայնի նորացնել պայմանագիրը․ As
Սպորտ
«Փարիզի Սեն Ժերմենի» ֆուտբոլիստ Կիլիան Մբապեն պայման է դրել, թե որ դեպքում կերկարաձգի փարիզյան ակումբի հետ պայմանագիրը: 21-ամյա հարձակվողի ներկայիս պայմանագիրը վավեր է մինչև 2022 թվականի ամառ:
Հրապարակման համաձայն՝ Մբապեն նոր պայմանագիր կստորագրի ՊՍԺ-ի հետ, եթե դա սահմանում է ֆիքսված գումարով տեղափոխվելու հնարավորությունը «Ռեալ» կամ մեկ այլ լավագույն ակումբ: Նյութում ասվում է, որ վերջին օրերին ավելացել են փարիզյան ակումբի՝ հարձակվողի հետ պայմանագիրը երկարաձգելու հնարավորությունները:
Ավելի վաղ լրատվամիջոցները հայտնում էին ֆրանսիացու նկատմամբ հետաքրքրությունը «Ռեալի», Թուրինի «Յուվենտուսի», ինչպես նաև անգլիական «Մանչեսթեր Սիթիի», «Մանչեսթեր Յունայթեդի» և «Լիվերպուլի» կողմից:
Մբապեն խաղում է ՊՍԺ-ի կազմում 2017 թվականից և այդ ժամանակից ի վեր թիմի համար անցկացրել է 120 հանդիպում, որոնցում դարձել է 90 գոլի հեղինակ: Փարիզում ֆուտբոլիստը երեք անգամ նվաճեց Ֆրանսիայի առաջնությունը, դարձավ երկրի գավաթի և լիգայի գավաթների տերը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
