Ո՞ւր էր ճողոպրել վարչապետը. նա ներկա է եղել ԱԺ-ում տեղի ունեցած ծեծկռտուքին (տեսանյութ)

Շուշիի ազատագրման և Նիկոլ Փաշինյանի վարչապետ ընտրվելու օրը ԱԺ-ում միջադեպ գրանցվեց. Աժ-ում ԼՀԿ ղեկավար Էդմոն Մարուքյանն ու «Իմ քայլը» խմբակցության պատգամավոր Սասուն Միքայելյանն իրար վրա հարձակվեցին, պատգամավորներն էլ, փոխանակ նրանց բաժանելու՝ իրենք էլ մասնակից դարձան քաշքշոցի ու ծեծկռտուքի: Սակայն այս ամենից զատ, բոլորին հետաքրքրում է մի հարց՝ որտե՞ղ էր վարչապետը միջադեպի ժամանակ, եթե դրանից, ընդամենը, վայրկյաններ առաջ՝ Էդմոն Մարուքյանի ելույթի ժամանակ գտնվում էր նիստերի դահլիճում: Իսկ ահա բուն միջադեպին նկատեցինք, որ Փաշինյանն այլևս չկար, ասել է թե՝ «թռել էր»: Նկատի ունենալով 2008թ. մարտի 1-ի իրադարձությունների ժամանակ Նիկոլ Փաշինյանի անհետացումն ու ընդհատակ անցնելը, կարող ենք արձանագրել՝ Փաշինյանը կարևոր, բայցև անհարմար պահերի տարածքը լքելու սովորությունը չի վերացրել: Թեև ընդմիջումից հետո ԱԺ նիստի իր ելույթում Նիկոլ Փաշինյանն ընդգծեց, թե տեսանյութով է հետևել միջադեպի ընթացքին, սակայն, ըստ էության, պարոն վարչապետը մոռացել էր մի կարճ դրվագի մասին, որտեղ ինքը երևում է հենց Էդմոն Մարուքյանի ելույթի ընթացքում: Ավելին, լրագրողների հարցին ի պատասխան՝ ԱԺ փոխնախագահ Ալեն Սիմոնյանը փորձել էր վստահեցնել, թե վարչապետը ծեծկռտուքի ժամանակ այնտեղ չի եղել: Ամո՛թ է, պարոնայք, Դուք ուղղակի խոսում եք, մենք՝ փաստեր ներկայացնում: Հիշեցնենք, որ ԱԺ-ում տեղի ունեցած միջադեպի պատճառը Էդմոն Մարուքյանի ելույթի ժամանակ Սասուն Միքայելյանի կողմից հնչեցված արտահայտություններն էին՝ «կցխեմ», «վիզդ կկտրեմ»: