Երևանի Դավիթաշեն կամրջի վրա գտնվող քաղաքացու վարքագիծը կասկածելի է թվացել մարդկանց

ԱԻՆ աշխատակիցն այսօր՝ մայիսի 11-ին, հոգեբանական աջակցություն է ցուցաբերել Երևանի Դավիթաշեն կամրջի վրա գտնվող մի քաղաքացու, որի վարքագիծը կասկածելի է թվացել մարդկանց համար եւ նրանք ահազանգել են ԱԻՆ։

ԱԻՆ լրատվական ծառայությունից հայտնում են, որ ժամը 12:24-ին Ճգնաժամային կառավարման ազգային կենտրոն ահազանգ  է ստացվել, որ կասկածելի վարքագծով քաղաքացի կա։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և հոգեբանական աջակցության բաժնի հրահանգիչը։

Պարզվել է, որ Վահե Օ․-ն (ծնված 1986 թ․) ինքնասպանություն գործելու մտադրություն չի ունեցել, զբոսնելիս է եղել կամրջի վրա, սակայն ունի հոգեբանի խորհրդատվության կարիք։ 

Հոգեբանական աջակցության բաժնի հրահանգիչը Վահե Օ․-ին տեղում ցուցաբերել է հոգեբանական աջակցություն։