Մանկական պոռնոգրաֆիայի սիրահարը ձերբակալվեց

Ոստիկանության ԿՀԴՊԳՎ 3-րդ և Երևան քաղաքի վարչության ՔՀԲ ծառայողները, իրացնելով ստացված օպերատիվ տվյալները, 16 տարին չլրացած անձի հետ սեքսուալ բնույթի գործողությունների փորձ կատարելու և համակարգչային համակարգի միջոցով մանկական պոռնոգրաֆիայի տվյալներ պահելու կասկածանքով Տիգրան Մեծի պողոտայից բերման ենթարկեցին Երևանի Եղիշե Թադևոսյան փողոցի 17/1 շենքի բնակիչ, 28-ամյա Դավիթ Փահլևանյանին, որը խոստովանական բացատրություն է տվել, որ սեքսուալ բնույթի գործողություններ կատարելու նպատակով «Odnoklassniki.ru» ինտերնետային կայքի միջոցով ծանոթացել է 8-ամյա մի աղջնակի հետ և վերջինիս հետ նշանակել հանդիպում: Այս մասին տեղեկանում ենք Ոստիկանության պաշտոնական կայքից:
Անձնական խուզարկությամբ նրա բջջային հեռախոսի հիշողության մեջ հայտնաբերվեց անչափահասների մասնակցությամբ պոռնկագրական բնույթի 2 տեսանյութ:
Փաստի առթիվ քրեական օրենսգրքի 142 հոդվածի 1-ին մասի և 263 հոդվածի 2-րդ մասի հատկանիշներով քրեական գործ է հարուցվել:
Դավիթ Փահլևանյանը ձերբակալված է:
Նախաքննությունը շարունակվում է:
Դիմում ու հորդորում ենք ծնողներին' երեխաներին այսպիսի և նմանատիպ ոտնձգություններից պաշտպանելու լավագույն միջոցը նրանց մշտապես ուշադրության տակ ու ոչ մանկական զբաղմունքներից զերծ պահելն է: