Վարդգես Գասպարիի հայցադիմում-բողոքը մերժվել է

Կենտրոն և Նորք - Մարաշ Համայքների Ընդհանուր Իրավասության Դատարանում մերժվել է Կոնգրեսի ակտիվիստ Վարդգես Գասպարիի հայցադիմում-բողոքը։

Վարդգես Գասպարին իր դիմումում մասնավորապես նշել է, որ սույն թվականի հունիսի 21-ին՝ ,ՀՀ ԱԺ մուտքի մոտ (Դեմիրճյան փողոց) ակցիա անելիս իր ձեռքից Աժ պատգամավոր Ս. Ալեքսանյանը հափշտակել է«Ռ. Հայրապետյան՝ Նեմեց, մարդասպան» գրությամբ պաստառը։ Ինչպես նշում է Վարդգես Գասպարին «կատարվածից հետո  ինձ մոտեցավ նրա «ջահելներից» մեկը և փորձեց ինձ հետ քաշքշուկ ստեղծել և ընդհարվել. և այդպես ինձ դիմահար հրելով տապալեց գետնին: Տեղում ներկա մոտ մեկ տասնյակ ոստիկանները բնականաբար ոչ մի միջոց չձեռնարկեցին կատարվող խուլիգանությունը և բռնությունը կանխելու ուղղությամբ»։

Կատարվածի մասին ակտիվիստը հաղորդագրություն է տվել ոստիկանությանը և  պահանջել հարուցել քրեական գործ ՀՀ ԱԺ պատգամավոր' Սամվել Ալեքսանյանի և նրան ընկերակցող անձի կատարած խուլիգանության և ֆիզիկական բռնություն կիրառելու կապակցությամբ: Նշված հանցագործության ժամանակ ոստիկանության դրսևորած անգործության մասին հաղորդագրություն է տրվել դատախազությանը:

«Վերոհիշյալի մասին Ոստիկանությունը միանգամայն անհեթեթ պատճառաբանությամբ գործի հարուցումը մերժելու մասին իր որոշումն է ուղարկել ինձ սույն թվականի հուլիսի 11-ին թվագրված գրությամբ ,որն ի դեպ ստացել եմ հուլիսի 21-ին: Ոստիկանությունը ընդհանրապես չի անդրադարձել Ս. Ալեքսանյանի դրսևորած խուլիգանական գործողությանը' ՀՀ քաղաքացու արտահայտվելու և կարծիքը հայտնելու սահմանադրական իրավունքի ոտնահարմանը։ Ոստիկանությունը կատարվածը ներկայացրել է բռնությունը կատարած անձի քաղաքացիական գիտակցության դրսևորում և մարդասիրական վերաբերմունք: Դատախազությունը Օրենքով սահմանված ժամանակահատվածում ընթացք չի տրվել այդ հաղորդագրությանը: Եւ ընդհանրապես չի կատարել ՔրդատՕրի 182-րդ հոդվածի պահանջը.

Հետևաբար, ըստ էության, Դատախազությունը և Ոստիկանությունը գտնվել են հանցավոր համագործակցության մեջ, իմ սահմանադրական իրավունքները խախտած ԱԺ պատգամավոր Սամվել Ալեքսանյանի և իմ նկատմամբ ֆիզիկական բռնություն կատարած անձի, ըստ ոստիկանների պարզաբանման' Գագիկ Հենզելի Գեղամյանի հետ»- նշում է Վարդգես Գասպարին:

Համարելով, որ Ոստիկանությունն ու Դատախազությունը պատշաճ չեն անդրադարձել նշված իրավունքների ոտնահարմանը դիմել է դատարան պահանջելով՝ պարտավորեցնել ոստիկանությանը հարուցելու քրեական գործ Սամվել Ալեքսանյանի և Գագիկ Գեղամյանի նկատմամբ' խուլիգանության և ֆիզիկական բռնություն կատարելու կապակցությամբ:

Պարտավորեցնել Դատախազությանը հարուցելու քրեական գործ հանցագործության կատարման ժամանակ և վայրում ներկա ոստիկանների անգործության կապակցությամբ։