Բելառուսի ԿԸՀ-ն նոր տվյալներ է հայտնել նախագահական ընտրությունների վերաբերյալ

Բելառուսի ԿԸՀ-ն թարմացրել է նախագահական ընտրությունների վերաբերյալ արդյունքները,  ըստ որոնց՝ ներկայիս պետության ղեկավար Ալեքսանդր Լուկաշենկոն հավաքել է ձայների ավելի քան 80,08 %-ը: Սվետլանա Տիխոնովսկայայի օգտին քվեարկել է ընտրողների 10,09 %-ը: Ընտրություններին մասնակցությունը եղել է 84,17 %: Ինչպես հայտնի է, նախորդ գիշեր Մինսկում և հանրապետության այլ քաղաքներում սկսվեցին զանգվածային չարտոնված բողոքի ակցիաներ: Քվեարկության արդյունքներից դժգոհ քաղաքացիները դուրս են եկել փողոց, իսկ ուժայինները նրանց հանդեպ կիրառել են արցունքաբեր գազ և ռետինե փամփուշտներ։ Բախումների արդյունքում վիրավորվել են ավելի քան 50 քաղաքացի և 39 ոստիկան, նրանց մի մասը հոսպիտալացվել է: Ձերբակալվել է շուրջ 3000 մարդ, քրեական գործեր են հարուցվել զանգվածային անկարգությունների և ոստիկանության ծառայողների դեմ ուժի կիրառման վերաբերյալ: Ամբաստանյալներին սպառնում է 8-15 տարվա ազատազրկում: