«Մերոնց ղեկավարում էին դրսից ոչխարների նման»․ Ալեքսանդր Լուկաշենկոն՝ հետընտրական բողոքի ցույցերի մասին (տեսանյութ)

Նախագահական ընտրությունները Բելառուսում անցան տոնի պես, բայց որոշ մարդիկ ցանկանում էին փչացնել դրանք, հայտարարել է Բելառուսի նախագահ Ալեքսանդր Լուկաշենկոն գործադիր կոմիտեի նախագահ, ԱՊՀ գործադիր քարտուղար, ԱՊՀ դիտորդական առաքելության ղեկավար Սերգեյ Լեբեդևի հետ հանդիպման ժամանակ: «Ինչ-որ մեկը ցանկացել է փչացնել այս տոնը: Ընտրություններից հետո երեկոյան բելառուսական իշխանությունները արտասահմանից զանգեր են արձանագրել։ Զանգեր կան Լեհաստանից, Մեծ Բրիտանիայից և Չեխիայից։ Նրանք վերահսկում էին մերոնց, կներեք արտահայտությանս, ոչխարների պես։ Նրանք չեն հասկանում, թե ինչ են անում, և նրանց արդեն սկսում են վերահսկել», - ասել է Ալեքսանդր Լուկաշենկոն: 

Հիշեցնենք, որ Բելառուսում տեղի են ունեցել հետընտրական բողոքի ցույցեր։ Ոստիկանների և ցուցարարների միջև բախման արդյունքում կան տասնյակ վիրավորներ։ Ձերբակալվել է ավելի քան 3000 մարդ։ Նրանց սպառնում է 8-15 տարվա ազատազրկում։