Իսպանիայի առաջնությունում «Բարսելոնան» հաղթեց «Վալյադոլիդին»

Իսպանիայի առաջնության 15-րդ տուրում «Բարսելոնայի» ֆուտբոլիստները հաղթեցին «Վալյադոլիդին»: Վալյադոլիդում կայացած հանդիպումն ավարտվեց 3: 0 հաշվով: Գոլերը խփեցին Կլեմենտ Լանգլը, Մարտին Բրայթուայթը և Լիոնել Մեսսին։ Վերջինիս համար «Բարսելոնայի» կազմում գնդակը 644-րդն էր: Նա դարձավ ֆուտբոլի պատմության լավագույն ռմբարկուն մեկ ակումբի համար գոլերի քանակով՝ հաղթելով Բրազիլիայի ազգային հավաքականում աշխարհի եռակի չեմպիոն Պելեին, ով իր հաշվին ուներ 643 գոլ: