Իսրայելը չի հավատում Էրդողանին․ The Jerusalem Post

Թուրքիայի նախագահ Ռեջեփ Թայիփ Էրդողանը ապաստան չի տրամադրի «ՀԱՄԱՍ»֊ի ահաբեկիչներին և կփորձի սերտ կապեր հաստատել Իսրայելի հետ, գրում է The Jerusalem Post իսրայելական պարբերականը: «Ես իրականում չեմ հավատում, որ Էրդողանն անկեղծ է, - ասել է աղբյուրը, ֊մենք պետք է գործողություններ տեսնենք»: Այս առիթով մեկնաբանություններ են հնչել այն բանից հետո, երբ Էրդողանը ուրբաթ լրագրողներին ասել է, որ Թուրքիան «կցանկանար իր հարաբերությունները Իսրայելի հետ ավելի լավ կետի հասցնել»: «Եթե Իսրայելում բարձր մակարդակի խնդիրներ չլինեին, մեր կապերը կարող էին շատ տարբեր լինել», - ասել է Էրդողանը՝ ակնհայտորեն մեղադրելով վարչապետ Բենյամին Նեթանյահուին երկրների միջև սրված հարաբերությունների համար: Իսրայելի «Պաղեստինի քաղաքականությունը» մեր կարմիր գիծն է։ Իսրայելի գործողություններն այժմ մեզ համար անընդունելի են», - ասել է նա: Էրդողանը փորձում է ամրապնդել Իսրայելի և Թուրքիայի տնտեսական կապերը՝ միաժամանակ աջակցելով իսլամիստ ծայրահեղականներին, որոնք հարձակվում են Իսրայելի վրա: «Դուք չեք կարող ամրապնդել հարաբերությունները Իսրայելի հետ և, միևնույն ժամանակ, լինել այն երկիրը, որտեղ «ՀԱՄԱՍ»֊ի օպերատիվ աշխատակիցներն իրենց հարմարավետ են զգում»,֊նշում է աղբյուրը: Վարչապետի աշխատակազմը և Արտաքին գործերի նախարարությունը հրաժարվել են մեկնաբանել Էրդողանի խոսքերը: