Լավրովը հայտարարել է ԱՄՆ-ի հետ «փոքր քայլերով» հարաբերությունների բարելավման պատրաստակամության մասին

Ռուսաստանի արտաքին գործերի նախարար Սերգեյ Լավրովը անվանել է Մոսկվայի և Վաշինգտոնի միջև հարաբերությունների առաջնահերթ խնդիրները, որոնք ԱՄՆ նոր վարչակազմը պետք է լուծի։ Հարաբերությունների կարգավորումը հեշտ չի լինի, և ԱՄՆ ղեկավարությունը պետք է ցույց տա փոխադարձ ցանկություն հարաբերությունները Ռուսաստանի Դաշնության հետ բարելավելու համար։ Վերջինս պատրաստ է այդ աշխատանքին «փոքր քայլերով»: «Երկկողմ օրակարգում կան մի շարք հրատապ բնույթի հարցեր, որոնցով պետք է զբաղվի Վաշինգտոնի նոր վարչակազմը՝ սկսած օտարերկրյա առաքելությունների գործունեության նորմալացման, հումանիտար դեպքերի լուծման և միջազգային անվտանգության և ռազմավարական կայունության խնդիրներից», - ասել է Լավրովը ՌԻԱ Նովոստիին տված հարցազրույցում:
Ռուսաստանի արտգործնախարարը նշել է, որ «պետք չէ փորձել միանգամից լուծել խնդիրները։ Պետք է փոխգործակցել՝ ելնելով «փոքր քայլերի» տրամաբանությունից: «Մենք պատրաստ ենք նման աշխատանքի՝ հասկանալով, որ այն կառուցվելու է ազնվության և շահերի փոխադարձ դիտարկման սկզբունքների վրա, այլ ոչ թե Վաշինգտոնի կողմից պարտադրված ամերիկակենտրոն աշխարհակարգի հիման վրա, այն է՝ «նա, ով ավելի ուժեղ է, ճիշտ է» սկզբունքով»,֊ ասել է նախարարը: