The Daily Star. Թուրքիայի քաղաքացիները լրտեսություն են անում Սիրիայի համար

Թուրքիայի պետական լրատվական գործակալությունը հայտնում է, որ հինգ մարդ, այդ թվում՝ երկու սիրիացի, մեղադրվում են ռազմական լրտեսության և սիրիական զորքի մի դասալիք առևանգելու փորձի մեջ։

Ուրբաթ օրը Anadolu Agency-ն հայտնել է, որ թուրքական դատախազները Սիրիային տեղեկատվություն փոխանցելու համար յուրաքանչյուր մեղադրյալի համար առավելագույնը 54 տարվա բանտարկություն են պահանջում։

Հինգ այլ թուրքեր, այդ թվում՝ հետախուզության նախկին պաշտոնյան, սպասում են դատավարությանը առանձին գործով. ենթադրվում է, որ նրանք փորձել են առևանգել սիրիական նախկին փոխգնդապետ Հուսեյն Հարմուշին և նրան փոխանցել սիրիական իշխանություններին։

Թուրքիան հենակետ է հանդիսանում սիրիական ընդդիմությանը միացած սպաների և զինվորների համար։