The Daily Sun. Իրաքը կրկին կփոխի դրոշն ու հիմնը

Իրաքի իշխանությունները մտադիր են փոխել պետական հիմնն ու դրոշը:

«Մենք լի ենք վճռականությամբ ավարտել նոր դրոշի և հիմնի ստեղծումը այս տարի`օրենսդիր մարմնի այս նստաշրջանին»,-հայտարարել է Իրաքի խորհրդարանի մշակույթի և լրատվության հանձնաժողովի նախագահ Ալի Շլահը. գրում է The Daily Sun թերթը:

Շլահը նշել է, որ նոր պետական խորհրդանիշը կդառնա «միավորող գործոն» երկրի բնակչության համար, այն բնակչության, որին «բռնությունների, զրկանքների և մասնատվածության տասնամյակներից» հետո հաջողվել է վերապրել:

Իրաքի գործող ազգային հիմնը` «Իմ հայրենիք» երգը, հաստատվել է 2004թ. կոալիցիոն ժամանակավոր իշխանության ղեկավար Փոլ Բրեմերի հրամանով, ով լսել էր այդ ստեղծագործույթունը համերգի ժամանակ: Դա Իրաքի հիմնի հինգերորդ փոփոխությունն էր Սադամ Հուսեյնի բռնապետության տապալումից հետո:

Իսկ ինչ վերաբերում է դրոշին, ապա այստեղ խնդիրը ավելի բարդ է. այն բազմիցս փոփոխվել է տարիների ընթացքում: Ներկայիս դրոշը հաստատվել է 2008թ., որը կազմված է 3 հորիզոնական հատվածներից`կարմիր, սպիտակ և սև: Միջին հատվածի վրա կանաչ գույնով արաբական քուֆի ոճով գրված է «Ալլահը ամենազորն է»:

Նշենք, որ Իրաքի առաջին դրոշն ընդունվել է միապետության ժամանակ`1925թ.: