Հայտնի է Գուանտանամոյից ազատ արձակվողների ցուցակը

Ինչպես հաղորդում է Agence France-Presse-ը, ԱՄՆ-ի արդարադատության նախարարությունը շաբաթ օրը հրապարակել է Կուբայում Գուանտանամոյի բանտի այն 55 բանտարկյալների անունները, ովքեր շուտով պետք է ազատ արձակվեն: Ազատելուց հետո նրանց մտադիր են ուղարկել ոչ թե հայրենիք, այլ մեկ ուրիշ պետություն: Ընդ որում, ցուցակը հրապարակվել է` չնայած ավելի վաղ ընդունված որոշման` «ազգային անվտանգության նկատառումներով և արտաքին քաղաքական պատճառներով» չհրապարակել նրանց անունները:

Ցուցակում ներառված է նաև մի բրիտանացի բանտարկյալ,  որի ազատ արձակմանը Բրիտանիան փորձում էր հասնել վերջին երկու տարիներին, ինչպես նաև Թունիսի 5 քաղաքացիներ:

Հիշեցնենք, որ Գուանտանամոյի բանտում այժմ պահվում է 167 բանտարկյալ: Նրանց մեծ մասը մեղադրվում է ահաբեկչական գործողությունների մասնակցելու համար: