The Washington Post . Սիրիայի նկատմամբ ցանկացած գործողություն պետք է հաստատվի ՄԱԿ-ի ԱԽ-ի կողմից. Թուրքիայի վարչապետ

Թուրքիան գտնում է, որ Սիրիայի նկատմամբ միջազգային հանրության ցանկացած որոշում պետք է ընդունվի ՄԱԿ-ի Անվտանգության խորհրդի համաձայնությամբ : Ուստի, Սիրիայի ճգնաժամի կարգավորումը մեծապես կախված կլինի Ռուսաստանի և Չինաստանի հետագա դիրքորոշումից, որոնք անվտանգության խորհրդի մշտական անդամներ են. այս մասին The Washington Post թերթին տված հարցազրույցում հայտարարել է Թուրքիայի վարչապետ Ռեջեփ Թայիփ Էրդողանը. «Մենք շարունակում ենք բանակցությունները (Սիրիայի հարցով) Ռուսաստանի, Չինաստանի և Իրանի»։

Պատասխանելով Թուրքիայի հետ սահմանին Սիրիայի տարածքում թռիչքների համար արգելված գոտու ստեղծման մասին հարցին՝ Էրդողանն ասել է, որ «այս դեպքում կարևոր կլիներ ՄԱԿ-ի Անվտանգության խորհրդի որոշումը»։ Նա նշել է, որ չգիտի, թե արդյոք այդ քայլին համաձայն կլինեն Ռուսաստանը և Չինաստանը, որոնք ավելի վաղ արգելափակել են Սիրիայի իրավիճակի շուրջ մի շարք բանաձևերի ընդունումը, բայց ավելացրեց. «Այսօր, իրավիճակը կարող է լինել այդպիսին, բայց վաղը փոխվել»։

Միևնույն ժամանակ Թուրքիայի վարչապետը մերժել է գաղափարը հաստատելու Սիրիայում թռիչքների համար արգելված գոտու ստեղծումը ՆԱՏՕ-ի հովանու ներքո. «Մենք չենք ուզում հայտնվել թակարդի մեջ և ձեռնարկել որևէ գործողություն առանց ՄԱԿ-ի համաձայնության։ Մեր երկիրը Միավորված ազգերի կազմակերպության անդամ է, որի հիմնական խնդիրն է խաղաղություն հաստատումը ամբողջ աշխարհում», - հիշեցրել է Էրդողանը։

Նա նաև հասկացրել է, որ Թուրքիան չի ծրագրում անմիջական աջակցություն ցուցաբերել Սիրիայի ընդդիմության զենքի մատակարարմամբ և կշարունակի տրամադրել միայն «թիկունքային աջակցություն», ինչպես նաև ապահովել սիրիացի փախստականներին սննդով և դեղորայքով։ Միևնույն ժամանակ նա նշել է, որ Սիրիայի ապստամբները տարածաշրջանի երկրներից և արտերկրում բնակվող սիրիացիներից ստանում են յուրաքանչյուր տեսակի օգնություն»:

Ինչ վերաբերում է Սիրիայի ապագային, Էրդողանը վստահ է, որ վաղ թե ուշ նախագահ Բաշար ալ-Ասադը կզրկվի իշխանությունից. «Նրա ռեժիմը կդադարի գոյություն ունենալ: Բաշարը քաղաքականապես մեռած է», - ասել է վարչապետը: Նա հրաժարվեց կանխատեսել, թե երբ դա տեղի կունենա, սակայն ընդգծել է, որ «դա նաև կախված կլինի Ռուսաստանի և Չինաստանի դիրքորոշումից»։