The Daily Star. Օբաման խոստանում է ձերբակալել Լիբիայում ԱՄՆ դեսպանին սպանողներին
Համաշխարհային Մամուլ
Նախագահ Բարաք Օբաման երեքշաբթի խոստացել է ձերբակալել տալ նրանց, ովքեր կանգնած են Լիբիայում «ԱՄՆ-ի վրա հարձակման» հետևում, ինչը սպանեց ԱՄՆ դեսպանին և ասել է, որ «զզվելի» ֆիլմը, որը վիրավորել է մահմեդականներին, արդարացում չէ բռնության համար, տեղեկացնում է The Daily Star-ը։
«Հարձակումները Բենղազիում մեր քաղաքացիների վրա հարձակում են Ամերիկայի վրա։ Անկասկած մենք անգութ մարդասպաներին կփնտրենք և նրանց կկանգնեցնենք արդարադատության առջև», - հայտարարեց Օբաման ՄԱԿ-ի գլխավոր ասամբլեայում իր ելույթի ժամանակ։
Բայց մինչ ԱՄՆ դեսպան Քրիստոֆեր Սթիվենսին մեծարելը, ով սպանվեց 2 շաբաթ առաջ 3 այլ ամերիկացիների հետ, Օբաման նաև որակավորեց հարձակումը ոչ միայն որպես հարձակում Ամերիկայի վրա, այլ նաև ՄԱԿ-ի նպատակների վրա։
«Այսօր մենք պարտավոր ենք հայտարարել, որ այս բռնությունը և անհանդուրժողականությունը տեղ չունեն ՄԱԿ-ի շրջանակներում»,-նշել է Օբաման իր ամենամյա խոսքում համաշխարհային մարմնին՝ կրկին վկայակոչելով և «կոպիտ ու զզվելի» անվանելով այն տեսանյութը, որն արտադրվել էր ղպտի քրիստոնյա ծայրահեղականների կողմից, ինչն էլ բռնություն առաջացրեց արաբական աշխարհում։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
