Ուկրաինայի ԶՈւ ԳՇ-ն հաստատել է թուրքական «Բայրաքթար» ԱԹՍ-ի կիրառումը Դոնբասում (տեսանյութ)
ՏեսանյութերՈւկրաինայի զինված ուժերի գլխավոր շտաբը հաստատել է, որ Դոնբասում զինվորականներն առաջին անգամ կիրառել են «Բայրաքթար» հարվածային անօդաչու թռչող սարք։ Այս մասին Facebook-ում հայտնում են Գլխավոր շտաբի մամուլի կենտրոնից։
Հայտարարության համաձայն՝ համապատասխան հրամանը տվել է Ուկրաինայի զինված ուժերի գլխավոր հրամանատար, գեներալ-լեյտենանտ Վալերի Զալուժնին։
«Առաջին անգամ միացյալ ուժերի գործողության տարածքում տեղի է ունեցել հետախուզական և հարվածային անօդաչու «Բայրաքթար» համալիրի մարտական կիրառում»,- ասված է հաղորդագրությունում"
Ըստ մամուլի կենտրոնի, երեքշաբթի` ժամը 14.35-ից 15.15-ը, (Ուկրաինայի ժամանակով - խմբ.) Դ-30 հաուբիցի մարտկոցը գնդակոծել է Դոնբասում՝ Գրանիտնոյե բնակավայրի մոտ գտնվող մարտական դիրքերը։ Արդյունքում մեկ հոգի զոհվել է, ևս մեկը` վիրավորվել։ Ուկրաինական կողմը ԵԱՀԿ հատուկ դիտորդական առաքելության միջոցով կոչ է արել դադարեցնել կրակը, սակայն դա տեղի չի ունեցել։ Այնուհետև կիրառվել է «Բայրաքթարը»՝ անօդաչու սարքը չի հատել ընդհարման սահմանը և կառավարվող ռումբով ոչնչացրել է մեկ թնդանոթ, որից հետո ուկրաինական դիրքերի գնդակոծությունը դադարեցվել է, հայտնել են Գլխավոր շտաբից։
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
