The Associated Press. Ոչ մի փոխզիջում Չինաստանին կղզիների շուրջ վեճում. Ճապոնիայի վարչապետ
Համաշխարհային Մամուլ
Ճապոնիայի վարչապետ Յոշիհիկո Նոդան ասել է, որ իր ժողովուրդը չի ցանկանում գնալ փախզիջման Չինաստանի հետ ունեցած իր տարածքային վիճաբանության հարցում, ինչն առաջ է բերել կատաղի հակաճապոնական ցույցեր, հաղորդում է The Associated Press-ը:
Սակայն վարչապետը նաև ավելացրել է, որ Ճապոնիան կպասխանի հանգիստ կերպով և վստահեցրել, որ այն թշնամանք չի սերմանում երկու ասիական տերությունների երկկողմ հարաբերությունների միջև:
Այս մասին նա հայտնել է ՄԱԿ-ի Գլխավոր Ասամբլեայում ելույթ ունենալուց հետո կազմակերպված մամլո ասուլիսի ժամանակ: Ընդ որում, ամբիոնից ելույթ ունենալիս նա նշում էր, որ խնդիրները պետք է խաղաղ ճանապարհով լուծվեն' իրավունքի գերակայության համաձայն, բայց ոչ ուժի միջոցով:
«Սենկակու կղզիները մեր տարածքի անբաժանելի մասն են պատմության և միջազգային իրավունքի տեսանկյունից: Դա շատ պարզ է: Չկան տարածքային խնդրներ որպես այդպիսին, հետևաբար չի լինի և ոչ փոխզիջում, ինչը կարող էր նշանակել որևէ հետքայլ իրենց հիմնական դիրքորոշումից»:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
