The New York Times. Քլինթոնը կապում է Ալ-Քաիդային Լիբիայում մահացու հարձակման հետ

ԱՄՆ-ի պետքարտուղար Հիլարի Քլինթոնը չորեքշաբթի օրն ասել է, որ հնարավոր է ինչ-որ կապ կա հյուսիսային Աֆրիկայում Ալ-Քաիդայի արտոնության և Բենղազիում ԱՄՆ-ի դիվանագիտական առաքելության վրա գործած հարձակման միջև, որի հետևանքով զոհվեցին ԱՄՆ-ի դեսպանը և 3 այլ ամերիկացի։

Նա Օբամայի վարչակազմի ամենաբարձր աստիճանավոր պաշտոնյան է, ով հրապարակայնորեն հանդես է գալիս  նման հայտարարությամբ՝ կապելով դրանք իրար։ Նրա մեկնաբանությունները թեժացրին առանց այն էլ թեժ մթնոլորտը՝ հնարավոր հարձակումը կանխելու հետ կապված:

Քլինթոնը չի բերել որևէ նոր վկայություն, որն առնչվում է Ալ-Քաիդային. գրում է The New York Times-ը, և պաշտոնյաները հետո ասացին, որ հարցը պաշտոնապես կհամարվի լուծված միայն այն ժամանակ, երբ ՀԴԲ-ի կողմից իրականացվող քրեական հետաքննությունն ավարտվի, ինչը կարող է տևել ամիսներ: Բայց նրանք չբացառեցին Ալ-Քաիդայի ներգրավվածությունը մահմեդական Մաղրեբում  հարձակման ժամանակ, որը վարչակազմը սկզբում բնութագրեց որպես ինքնաբուխ բողոքի ցույց, որը դարձել է կատաղի:

Քլինթոնն իր մեկնաբանությունները կատարել է Աֆրիկայի հյուսիսային հատվածում քաղաքական և անվտանգության ճգաժամի հարցերով  ՄԱԿ-ի կազմակերպած հանդիպման ժամանակ։

Ինչես նշել է Քլինթոնը, Ալ-Քաիդան մահմեդական Մաղրեբում երկար ժամանակ է գործել է տարածաշրջանում և այժմ ապաստան է գտել Մալիում՝ գործի դնելով ծայրահեղական ահաբեկչական բռնություն իր հարևանների նկատմամբ, ինչպես օրինակ՝  Լիբիան: