Daily Telegraph. Քեմերոնը ՄԱԿ-ի ամբիոնից մեղադրել է Ռուսաստանին և Չինաստանին Սիրիայում երեխաների տառապանքների մեջ

Բոլոր թերթերն այսօր մեկնաբանում են Մեծ Բրիտանիայի վարչապետ Դեվիդ Քեմերոնի ելույթը ՄԱԿ-ում, որտեղ նա մեղադրել է Ռուսաստանի և Չինաստանի ղեկավարությանը, հայտարարելով, որ նրանց ձեռքերը թաթախված են սիրիացի երեխաների արյունով, քանի որ Մոսկվան և Պեկինը պաշտպանում են Բաշար ալ-Ասադի ռեժիմը։ Քեմերոնը նաև հայտարարել է, որ միջազգային հանրության անկարողությունը պետք է դադարեցնել. սիրիական իշխանությունների վայրագությունները սարսափելի բիծ են Միավորված ազգերի կազմակերպության հեղինակությանը վրա:

Daily Telegraph-ն այս առումով հիշեցնում է, որ Ռուսաստանը և Չինաստանը մշտապես արգելափակել  են Ասադի ռեժիմի դեմ միջոցների ձեռնարկումը։ Ըստ ՄԱԿ-ի՝ հակամարտության սկզբից Սիրիայում զոհվել է ավելի քան 20000 մարդ: Իրավապաշտպանները պնդում են, որ մահացածների մեջ կա առնվազն երկու հազար երեխա:

 Ըստ թերթի՝ հայտնի է, որ Ռուսաստանը ռազմական օգնություն է ցուցաբերել Ասադի ռեժիմին։ Ավելի վաղ՝ այս տարվա սկզբին, բրիտանական կառավարությանը հաջողվեց կանգնեցնել ռուսական առևտրական նավը, որը փորձում էր Սիրիա մարտական ուղղաթիռներ մատակարարել։

Ըստ DT-ի՝ Դեվիդ Քեմերոնը նման ուժեղ հայտարարությամբ քողարկում է այն փաստը, որ Լոնդոնը հասկանում է իր անկարողությունն Ասադի ռեժիմը տապալելու հարցում։ Վարչապետը որևէ կոնկրետ առաջարկությամբ հանդես չի եկել։