Der Spiegel. Ասանժ-ն ԱՄՆ-ում դիտարկվում է նույն կարգավիճակով, ինչ Ալ Քաիդան

Համաշխարհային Մամուլ 27 Սեպտեմբեր, 2012 11:45

Ջուլիան Ասանժի շուրջ ծավալվող դրաման սրվում է: Wikileaks ի հիմնադիրը, որն այս պահին Լոնդոնում Էկվադորի դեսպանատանն է ապաստանել, տեսահոլավակ է ուղարկել ՄԱԿ-ին, որում քննադատում է ԱՄՆ-ի նախագահ Օբամային: Այս շաբաթ նախարարների հանդիպումը որոշելու է նրա ճակատագիրը, և նշենք, որ Ասանժը վախենում է դեպի ԱՄՆ արտահանձնվելուց:

Այս չորեքշաբթի կատարվեց նոր անդրադարձ միջազգային այդ սկանդալին, որի կենտրոնում կանգնած է Wikileaks-ի հիմնադիր Ջուլիան Ասանժը: Քանի որ իր հայրենի Շվեդիայում նա մեղադրվել է սեռական ոտնձգությունների մեջ, ուստի վախենալով Շվեդիա արտահանձնվելուց՝ Ասանժը 3ամիս է, ինչ հաստատվել է Լոնդոնում Էկվադորի դեսպանատան տարածքում: Էկվադորը նրան քաղաքական ապաստան է տրամադրել:

Այս չորեքշաբթի Ասանժը ելույթ ունեցավ Նյու Յորքում արբանյակային հեռուստատեսության միջոցով: ՄԱԿ-ի Գլխավոր ասամբլեայի նստաշրջանի շրջանակներում Էկվադորի ԱԳ նախարարը երեկոյան դիվանագետների հանդիպում է կազմակերպել, որի ժամանակ Ասանժը արբանյակի միջոցով միացել է նրանց: Այս հինգշաբթի Ռիկարդո Պատինյոն հանդիպում է իր բրիտանացի գործընկերոջ հետ՝ Ասանժի խնդրին լուծում տալու համար: Հինգշաբթի լրանում է Լոնդոնի դեսպանատանը Ասանժի 100-օրյա բնակության ժամկետը:

Քառորդ ժամ Ասանժը ելույթ էր ունենում ՝ ընթերցելով նախօրոք պատրսատած ճառը, որում նա հարձակվում է նաև ԱՄՆ-ի նախագահ Օբամայի վրա: Դրանից հետո նա մի շարք հարցեր է տալիս: Նրա ելույթը շատ պայթյունավտանգ էր: Ասանժը վախենում է ոչ միայն դեպի Շվեդիա, այլև՝ դեպի ԱՄՆ իր արտահանձնումից: ԱՄՆ-ի քաղաքական գործիչները նրան մեղադրում են դավաճանության մեջ, քանի որ նա հրապարակել էր պետական գաղտնիքներ պարունակող փաստաթղթեր: Ավստրալական Sydney Morning Herald թերթը չորեքշաբթի հայտնում է, որ ԱՄՆ-ում Ասանժը պաշտոնապես դիտվում է որպես ազգի «թշնամի» նույն իրավական կարգավիճակով, ինչ Ալ Քաիդան:

«Ժամանակն է, որ ԱՄՆ-ը դադարեցնի իր հետապնդումները Wikileaks-ի, նրա անդամների, նրա աղբյուրների ու հիմնադրի նկատմամբ»,-հայտնում է Ասանժն իր ելույթում: Նա հիշեցնում է Օբամային հինգշաբթի օրը նրա ելույթի ժամանակ արած հայտարարությունը, որ «փոփոխության ալիքների» ժամանակն է: «Թող Օբաման կյանքի կոչի այդ փոփոխություններն իրականում, ոչ թե գեղեցիկ բառերով, այլ գործով: Ոչ միայն Շվեդիան, այլև Մեծ Բրիտանիան պետք է որևէ երաշխիքներ տան իմ՝ դեպի ԱՄՆ արտահանձնումը խոչընդոտելու վերաբերյալ»:

Այս ելույթը կազմակերպելով՝ Էկվադորը հույս ունի «նման դրական երկխոսության միջոցով» այս խնդրին լուծում տալ, հայտնել է Պատինյոն: