The Washington Post. Հեսբոլլահը մեծացնում է օգնությունը սիրիական վարչակարգին

Հեսբոլլահը մեծացրել է սիրիական կառավարությանն ուղղված աջակցությունը և Սիրիա ուղարկել ռազմական խորհրդականներ, որոնք կօգնեն կառավարությանը ընդդիմության դեմ արյունալի պայքարում. նշում են լիբանանյան և ամերիկյան պաշտոնյաները։

Այս ամիս ամերիկյան կառավարությունը մեղադրել է Հեսբոլլահին սիրիական կառավարությանը աջակցելու մեջ։ Հեսբոլլահը դա հերքել է։ Ամեն պնդում, որ այն աջակցում է նախագահ Բաշար ալ Ասադի վարչակարգին, իր մեջ վտանգ է պարունակում վատթարացնել Լիբանանում Հեսբոլլահի և լիբանանյան սուննիների միջև, որոնք հիմնականում աջակցում են Սիրիայի սուննի ընդդիմությանը։

Նշենք, որ Հեսբոլլահը լավ զինված և մարզված զինուժ ունի. այն համարվում է Լիբանանի ամեահզոր կռվող ուժը։ Միևնույն ժամանակ Հեսբոլլահը զորեղ քաղաքական կուսակցություն է, որը բազմաթիվ կազմակերպություններ ունի, որոնք սոցիալական ծառայություններ են մատուցում շիա մահմեդականներին և նրանց հովանավորներին։