The Wall Street Journal. Հակաիսլամական ֆիլմի ստեղծողը ձերբակալված է

Լոս Անջելեսի իշխանությունները հինգշաբթի ձերբակալել են մի մարդու, ով ըստ նրանց հավաստիացումների ստեղծել է մահմեդականներին վիրավորող տեսանյութը, պնդելով, որ նա խախտել է իր ավելի վաղ դաշնային մեղադրանքից փորձաշրջանի դուրս գալու պայմանները, գրում է The Wall Street Journal-ը:

Ֆիլմի ստեղծող Նակուլա Բասելեյ Նակուլայի նկատմամբ նույն օրը երեկոյան պետք է մեղադրանք ներկայացվեր Լոս Անջելեսի դաշնային դատարանում։

Իր փորձաշրջանի պայմանագրի համաձայն՝ պրն. Նակուլային արգելվում էր առանց վերահսկման օգտվել համակարգչից և համացանցից:
Իրավապահ մարմինները հավատում են' պրն. Նակուլան նույնմարդն է, ինչ Սեմ Բեցիլն է,  ով պնդում էր, որ ինքն է արտադրել «Մուսուլմանների անմեղությունը» ֆիլմը: YouTube –ում տեղադրված 14 րոպե տևողությամբ տեսանյութը ավելացվել էր հուլիսին ոմն մեկի կողմից, ով իրեն անվանում էր Սեմ Բեցիլ։

Իրավապահ մարմինները մեղադրեցին Նակուլային այլ մարդկանց անունից կրեդիտային քարտերն օգտագործելու և ուրիշի անունով բանկային հաշիվ բացելու համար։ Նակուլան նախօրոք դատապարտվել էր 3 կետով: Նա 21 ամիս է անցկացրել բանտում և ազատ է արձակվել 2011թ. հունիսին:

Քրիստոնյա Նակուլան թաքնվեց, երբ նրան ճանաչեցին որպես թրեյլերի ստեղծող: Իսկ ֆիլմն իր արմատներն ունի՝ կապված եգիպտացի քրիստոնյաների հարավկալիֆորնիական խմբի հետ, որը հադես է գալիս ծայրահեղական կտրուկ մեղադրանքով՝ ընդդեմ մահմեդականության: Ֆիլմի օգնական ղեկավար Ջեֆրի Ռոբինսոնի խոսքով՝ արտադրության բյուջեն կազմում է մոտ $250.000։