Die Presse. Սիրիական հակամարտությունը փորձություն էր, որն ապացուցեց ՄԱԿ-ի անգործունակությունը. Ավստրիայի ԱԳՆ

Ավստրիայի ԱԳ նախարար Միխայել Շփինդելեգերը ՄԱԿ-ի Գլխավոր ասամբլեայի իր ելույթի ժամանակ քննադատել է ՄԱԿ-ի ԱԽ-ը։ «Նա ապացուցեց իր անգործունակությունը»։

Ավստրիայի ԱԳ նախարար Միխայել Շփինդելեգերը սիրիական հակամարտությունը գնահատել է որպես ՄԱԿ-ի համար փորձություն։ «ՄԱԿ-ի ԱԽ-ը պետք է այս հարցում վերջապես իր պատասխանատվությունը գիտակցի»,-նշել է ԱԳ նախարարը ուրբաթ օրը Նյու Յորքում ՄԱԿ-ի Գլխավոր ասամբլեայից առաջ ունեցած իր ելույթի ժամանակ։ Նա սուր քննադատության է ենթարկել Սիրիայիում արնահեղությունները և կոչ է արել նախագահ Բաշար ալ Ասադին հրաժարական տալ, որի «վարչակարգը ցանկացած սկզբունք և իրավունք ոտնահարում է միայն թե իշխանության գլուխ մնա»։
Շփինդլեգերը սիրիական երկու հակամարտող կողմերին կոչ է անում անմիջապես դադարեցնել բռնությունները և ընդգծել է երկխոսության անհրաժեշտությունը ՄԱԿ-ի և Արաբական երկրների լիգայի հատուկ ներկայացուցիչ՝ Լահդար Բրահիմիի ղեկավարությամբ։ «Մեզ համար ակնհայտ է, որ ոչ մի ապագա լուծում չի նկատվում, քանի դեռ Ասադը չի հրաժարվել իր պաշտոնից»։

Անցյալ ամիսների արդյունքները հստակ ցույց են տալիս, թե որքան կարևոր է ՄԱԿ-ի դերը՝ որպես բազմազգ կազմակերպություն՝ նման ճգնաժամերի և մարտահրավերների հաղթահարման համար. նշել է ԱԳ նախարարն իր ելույթի ընթացքում։ Սիրիայի հիմնախնդրից բացի՝ նա այդ շարքին է դասել նաև Աֆրիկայի և արաբական աշխարհի երկրներում ընթացող բարելավումների իրականացման հիմնախնդիրը։ Դրանք բոլորը կարող են կյանքի կոչվել միայն համատեղ գործունեության շնորհիվ։

Նախարարը քննադատել է միջազգային անվտանգության և խաղաղության աջակցության համար պատասխանատու ԱԽ-ը, որն ի վիճակի չէ լուծում տալ Սիրիայի հիմնախնդրին ռուսական և չինական վետոյի պաևճառով։ «ԱԽ-ն չի կարող մշտապես խուսափել իր պատասխանատվությունից, քանի որ իրավիճակը գնալով վատթարանում է երկրում»,-նախազգուշացրել է ԱԳ նախարարը։