Die Welt: «Այնքան տաք, որքան դու». եգիպտական նախարարը՝ հաղորդավարուհուն

Սալահ Աբդել Մաքսուդը ոչ միայն Եգիպտոսի տեղեկատվության նախարարն է, այլև «Մուսուլման եղբայրներ» կուսակցության անդամ: Հեռուստաեթերում ունեցած իր ելույթի ժամանակ նա իր արտահայտությամբ Եգիպտոսում բողոքի մի նոր ալիք է կանխել, կարծում է թերթը:

Dubai TV հեռուստաընկերության հաղորդավարուհիներից մեկի հետ ունեցած իր հարցազրույցի ժամանակ նա ասել է. «Հուսամ քո հարցերն այնքան տաք չեն լինելու, որքան դու»:

Շիկահեր հաղորդավարուհին դրան պատասխանել է. «Իմ հարցերն անշուշտ տաք են լինելու, իսկ ես ընդհակառակը՝ սառն եմ»:

Աղմուկ բարձրացրած այս տեսարանի պատճառն այն է, որն նախարարը պատկանում է իսլամիստական կուսակցությանը, որին պատկանող կանայք բոլորը գլխաշոր են կրում: Դրանից հետո 5 օր է, ինչ հոլովակը հրապարակվել է համացանցում, որը իսլամիստների քաղաքական հակառակորդների կողմից լայնորեն քննարկման առիթ է դարձել:

Եգիպտոսի հանրային հեռուստաընկերությունը արդեն 50 տարի է, ինչ հաղորդավարուհիներին արգելում է գլխաշոր կրել: Առաջին անգամ այդքան տարիներ անց, երբ իշխանության գլուխ են անցել «Մուսուլման եղբայրներ»ը, այդ արգելքը հանվել է: Դեռևս սեպտեմբերի սկզբին առաջին հեռուստահաղորդավարուհին գլխաշորով հանդես եկավ հանրային հեռուստաեթերում: Իսկ մասնավոր հեռուստաընկերություններում հաղորդավարուհիները գլխաշոր էին սկսել կրել մի քանի շաբաթ առաջ: