Financial Times. Ջիվան Գասպարյանը և Հուսեյն Ալիզադեն Լոնդոնում

Financial Times-ն անդրադարձել է Ջիվան Գասպարյանի և Հուսեյն Ալիզադեի՝ Լոնդոնում կայացած համերգին։ Հոդվածում մասնավորապես գրված է. «Դուդուկը՝ կրկնակի լեզվակավոր հայկական երաժշտական գործիքը, հոմանշային է դարձել Ջիվան Գասպարյանի անվանը, որը նա նվագել է Ստալինի և Քենեդիի համար, Սթինգի և Լայոնել Ռիչիի հետ, իսկ հիմա՝ 84 տարեկան հասակում, նա նվագում է Բարբիկանի թատրոնում՝ Լոնդոնում։

Տասը տարի առաջ Գասպարյանը Թեհրանում ելույթ ունեցավ իրանցի դասական երաժիշտ Հուսեյն Ալիզադեի հետ։ 

Այժմ Լոնդոնում Ալիզադեն իրանական հանդիսատեսի կողմից հոտնկայս ծափահարությունների արժանացավ իր բեմ մտնելով միայն։ Դա մեղմ զմայլվածություն էր, որը կարող էր տևել քսան րոպե կամ երեք ժամ։ Գրեթե մեկ ժամ անցավ, մինչև Ալիզադեն բեմ հրավիրեց Ջիվան Գասպարյանին, որն իր ծափահարությունները ստացավ իր հայրենակիցների կողմից։ Նա վարում էր դուդուկների քառյակը, որի մեջ էր նրա իսկ հայտնագործած բաս դուդուկը։ Այս քառյակում նվագում էր նաև Ջիվան Գասպարյանի թոռը, ում անունը ևս Ջիվան է։

Սկզբում ավագ Գասպարյանը դանդաղ հնչերանգի ներքո տխուր մեղեդիներ նվագեց։ Այնուհետև, հետևելով Ալիզադեին, քառյակը նվագեց երկու երգ, որոնք շատ սպասված էին, քանի որ արդեն երկու ժամ էր անցել, և արդեն հայերն ու իրանցիները միասին էին ելույթ ունենում։

Հայկական ժողովրդական երգը միավորեց հանդիսատեսին, և ծափահարությունները հնչեցին առաջին իսկ հնչյունից»։