Der Standard. Բազմահազար ցուցարարներ բողոքում են Վենեսուելայի նախագահի դեմ

1999-ից Վենեսուելայի նախագահ հանդիսացող Ուգո Չավեսը փորձում է վերընտրվել այդ պաշտոնին:

Նախագահական ընտրություններից մեկ շաբաթ առաջ Վենեսուելայում հարյուրհազարավոր ընդդիմադիրներ ցույց են կազմակերպել մայրաքաղաք Կարակասում՝ ի աջակցություն իրենց թեկնածու Էնրիկե Կառլես Ռադոնսկու: Նրանք կոչ են անում Չավեսին հրաժարվել նախագահի թեկնածությունը դնելու գաղափարից:

Միրանդա նահանգի պահպանողական նախկին նահանգապետ Ռադոնսկին դրել է իր թեկնածությունը Վենեսուելայում հոկտեմբեևրի 7-ին կայանալիք նախագահական ընտրությունների ժամանակ՝ ընդդեմ գործող նախագահ, ձախակողմյան պոպուլիստ Չավեսի, ով հույս ունի վեցամյա ժամկետով նորից նախագահ ընտրվել:

«Datanalisis» ինստիտուտի նախնական հարցումների համաձայն՝ Չավեսը մոտ 49% ձայների առավելություն ունի, ինչն արդեն նշանակում է 10% ավել, քան իր ընդդիմադիրի ձայները:

Հիշեցնենք, որ ընդդիմության երկու ակտիվիստներ էին զոհվել այս օրերին Չավեսի դեմ կազմակերպած բողոքի ցույցերի ժամանակ: Համապատասխանաբար ևս 6 կասկածյալ ձերբակալվել է: Բոլիվարում և Բարինոսում տեղի ունեցած այս պատահարի շուրջ տարվում է հետաքննություն: