Guardian-ի լրագրող Լյուկ Հարդինգի անդրադարձը Վրաստանում ընթացող խորհրդարանական ընտրություններին

Guardian-ի առաջին էջում տեղ է գտել հայտնի լրագրող Լյուկ Հարդինգի՝ Թբիլիսիից ներկայացրած հոդվածը, որտեղ վերջինս ներկայացնում է իր տեսակետը Վրաստանում խորհրդարանական ընտրությունների հետ կապված։

«Նախևառաջ,-գրում է նա,-Սաակաշվիլին կանգնած է ընտրությունների ընթացքում իր իշխանության իրական մարտահրավերի առջև, ընտրություններ, որոնք կարող են ամբողջությամբ վերափոխել այս երկրի ճակատագիրը: Երկու աշխարհաքաղաքական հայեցակարգ՝ ատլանտյան և նորխորհրդային, բախվում է էկզոտիկ տեսարանի և հնագույն գյուղերի, միջնադարյան աշտարակների և հսկա լեռների ֆոնին. նշում է հոդվածագիրը. «Գործի են դրվել բոլոր ընտրական ռեսուրսները, ծախսվել են հսկայական գումարներ։ Տարիների ընթացքում Սաակաշվիլին պաշտամունքի առարկա է դարձրել իր նոր քաղաքական գործչի կերպարը, որը պետք է ուղղորդի Վրաստանին դեպի ՆԱՏՕ և մոտեցնի նրան Արևմուտքին։ Սակայն թբիլիսյան բանտում տեղ գտած խոշտանգումների հետ կապված սկանադալը ցույց տվեց, որ ժողովրդավարության և առաջընթացի հետևում կան շատ մութ անկյուններ։ Նախագահ Միխայիլ Սաակաշվիլիի մրցակից, միլիարդատեր Բիձինա Իվանիշվիլին հաղթանակ է ակնկալում»։