Agence France-Presse. Ալիևի արձանը Մեքսիկայո՞ւմ

Ադրբեջանի վերջին նախագահ Հեյդար Ալիևի՝ բնական հասակով բրոնզե արձանի առկայությունը Մեխիկո քաղաքի գլխավոր պուրակում տխրեցրել է մեքսիկացիներից շատերին, փոխանցում է Agence France-Presse-ը:

Ինչո՞ւ է Կովկասի մի բռնապետ առաջնորդի հուշարձանը խոյացել Մեքսիկայի երկհարյուրամյա հուշարձանների կողքին և Ռեֆորմա պուրակի մոտակայքում, որտեղ գտնվում է նաև Մահաթմա Գանդիի արձանը:

Պարզվել է՝ Ադրբեջանը միլիոնավոր դոլարներ է ներդրել պուրակի վերափոխման աշխատանքների վրա, որտեղ տեղակայված է հուշարձանը, ինչպես նաև Մեխիկո քաղաքի կենտրոնում մեկ այլ հասարակական հրապարակի վրա տարվող աշխատանքներին է մասնակցել:

Չնայած Ադրբեջանի առատաձեռն նվերին՝ բողոքողները նշում են, որ մի մարդու արձանը, ով իշխել է այդքան հեռու երկրում նման ծանր ձեռքով, չպետք է գտնվի մի պուրակում, ուր տեղակայված են մեքսիկական և օտար հերոսների հուշարձանները: