TIME. Ինչու Սաակաշվիլին պարտվեց (ֆոտո)

Վրաստանի նախագահ Միխեիլ Սաակաշվիլին ընդունել է պարտությունը, քանի որ իր իշխող կուսակցությունը տառապել է խորհրդարանական ընտրություններում՝ մասամբ բանտում տանջանքները ցուցադրող տեսանյութերի պատճառով, գրում է TIME-ը:

Վրացական բանտերը դեռևս 2010թ. ամռանը եղել են ազգային բանավեճի կիզակետում դեռ մինչև այն ժամանակ, երբ վրացական հեռուստաընկերությունը ցուցադրեց թիվ 8 բանտում մարդկանց տանջելու տեսանյութերը: Այս տեսանյութերը փոխեցին այս շաբաթվա ժողովրդական ընտրությունների ընթացքը:

Երեքշաբթի օրը, երբ ձայների միայն մեկ քառորդն է հաշվվել, պարզ դարձավ, թե բանտային սկանդալը ինչքան շատ վնաս է հասցրել Միխեիլ Սաակաշվիլիին. նա ստիպված էր ընդունել իր կուսակցության պարտությունը ընդդիմության հանդեպ, որը կազմավորվել էր ընտրություններից ընդամենը 6 ամիս առաջ: Անանկնալ հիասթափություն էր, և այն թույլ է տալու նորելուկ «Վրացական երազանք» կուսակցությանը կազմել նոր կառավարություն և ընտրել վարչապետ. մի արդյունք, որը դժվար էր պատկերացնել 2 տարի առաջ, երբ Սաակաշվիլին չուներ ոչ մի լուրջ քաղաքական մրցակիցներ, և շատ քիչ վրացիներ էին լսել թիվ 8 բանտի մասին: