Le Figaro. Երկու միջադեպ՝ կապված ԱՄՆ-ի փոխնագահի ինքնաթիռի հետ

Փոխնախագահ Ջո Բայդենի ինքնաթիռը երեկ երեկոյան հարկադրված է եղել վայրէջք կատարել Վաշինգտոնի միջազգային օդանավակայանում։ Սա արդեն երկրորդ անգամն էր, որ եղանակային պայմանները խաթարում էին համար երկրորդ ամերիկացու ինքնաթիռի ուղին։ Air Force Two-ն՝ Բայդենին տեղափոխող ինքնաթիռը, պետք է վայրէջք կատարեր Վաշինգտոնից 15 կմ դեպի արևելք գտնվող Էնդրյուսի օդանավակայանում, սակայն ստիպված ապաստանել է մայրաքաղաքից 45 կմ արևմուտք գտնվող օդանավակայանում։

Ավելի վաղ՝ երեքշաբթի օրը, ինքնաթիռը շուրջ 35 րոպե ստիպված է եղել մնալ սպասման օդային գոտում, քանի որ օդաչուն հրաժարվել է փոթորկի ընթացքում իջեցնել ինքնաթիռը։

«Դա ձեզ կսովորեցնի ուղեկցել ինձ ճանապարհորդությունների ընթացքում»,- ինքնաթիռից դուրս գալիս կատակել է Բայդենը՝ դիմելով իրեն ամբողջ օրը հետևած լրագրողներին։