Foreign Policy. Թիֆլիսի նոր տիտանը. Վրացի գյուղացուց մինչև ռուս միլիարդատեր

Վրաստան 4 Հոկտեմբեր, 2012 10:12

Արտառոց ու արտասովոր միլիարդատեր Բիձինա Իվանիշվիլին հաղթել է Վրաստանի ընտրություններում: Բայց արդյոք նա այդքան խե՞նթ է, որ անձամբ կառավարի:

Բացի զեբրաների բուծման, արվեստի գործեր և կենդանիներ հավաքելու նախասիրություններից ու տարօրինակություններից՝ մենք այնքան էլ շատ չգիտենք Բիձինա Իվանիշվիլիի մասին, ում «Վրացական երազանք» կոալիցիան անակնկալ հաղթանակ տոնեց խորհրդարանական ընտրություններում: Բայց նրա հաղթանակից անմիջապես հետո կայացած մամլո ասուլիսից մենք վստահ մի բան իմացանք՝ նա հռետոր չէ: Նրա խոսքը ոչ կապակցված էր, արտահայտությունները կրկնվում էին, տեղում քաղաքականություն էր հորինում, անգամ մեղադրեց լրատվական գործակալություններից մեկի լրագրողին՝ իր հակառակորդին՝ նախագահ Սաակաշվիլիին պաշտպանելու մեջ։

Իվանիշվիլիի անվստահ ելույթը առիթ է տալիս մտածելու՝ ով է այդ մարդը, ով շահեց այն հանգամանքից, որ ժողովուրդը վախեցած էր Սաակաշվիլիի բարեփոխական, բայց բռնապետական կառավարումից:

Վերջին մի քանի ամիսներին նախընտրական քարոզարշավը հիմնականում կենտրոնացած էր 2003թ. «Վարդերի հեղափոխության» հերոսի՝ Սաակաշվիլիի առավելությունների և թերությունների վրա: Նրա արտասովոր հակառակորդով մի տեսակ հրապուրված էին: Հիմա, երբ Իվանիշվիլիի կոալիցիան գերիշխելու է խորհրդարանում, այնուամենայնիվ, ուշադրության կենտրոնում է հայտնվում օլիգարխը, ով ապրում է լրիվ առանձին քաղաքականություն մտնելու պահին:

Մինչև անցած տարի քիչ մարդիկ նունիսկ գիտեին՝ նա ինչպիսի տեսք ունի: Նա միայն մեկ հարցազրույց էր տվել ռուսական «Ведомости» թերթին, այն էլ՝ 2005-ին. նա խուսափում էր հրապարակայնությունից, հասարակական վայրերից ու միջոցառումներից։

Այն բանից հետո, երբ 2011թ. հոկտեմբերին նա հայտարարեց, որ ինքն է Սաակաշվիլիին մարտահրավեր նետող մարդը, նա ստիպված էր արագ կերպով հարմարվել հարցազրույցներին և լրատվական աշխարհում հայտնվելու հանգամանքին: Իսկ նրա քաղաքական հանրահավաքների ժամանակ ելույթ էր ունենում նաև նրա իր ալբինոս տղան, ով ռեփեր է:

Հարցազրույցերից մեկում այն հարցին, թե նա ինչը չի սիրում Սաակաշվիլիի մեջ, Իվանիշվիլին նշել է, որ «հիմնական խնդիրն այն է, թե նա չգիտի՝ ինչ է սիրում»: Մեկ այլ հարցազրույցում նա հաստատել է, որ ինքն, ի տաբերություն Սաակաշվիլիի, սիրում է մարդկանց, և նրանք դա զգում են: Իսկ Սաակաշվիլին սիրում է միայն սեքս ու սնունդ»:

Իսկ ահա Սաակաշվիլիի համակիրներն էլ իրենց հերթին Իվանիշվիլիին նկարագրում են որպես «տարօրինակ» և Կրեմլի խամաճիկ:
Հիմա, երբ հարցազրույցները տեղի են ունենում տասնյակ տեսախցիկների առաջ, շատ ավելի պարզ է երևում նրա շփոթվածությունը։

Չնայած նրա բազմաթիվ խորհրդականների ներկայությանը՝ նա նաև խեղճ էր երևում ու արդեն կատարում էր հայտարարություններ, որոնք չէին համապասխանում իր նախորդ հայտարարություններին: Այն հարցին, թե ինչքան է իր կարողությունից ծախսել քարոզարշավի վրա, նա պատասխանել է՝ «մոտ 2 մլն դոլար: Ես վստահ չեմ...1 և 3 միլիոնի միջև»: Իսկ հուլիսին տված հարցազրույցում նա նշել է, որ արդեն ծախսել է 10 մլն դոլար:

Մամլո ասուլիսի ընթացքում մոտ երկու ժամ անց Իվանիշվիլին, այնուամենայնիվ, «մի ռումբ նետեց»՝ պահանջելով Սաակաշվիլիի հրաժարականը։ Այս հայտարարությունն անմիջապես անհանգստություն առաջ բերեց միջազգային հասարակությունում, հատկապես՝ Սաակաշվիլիի՝ պարտությունն ընդունելու վերաբերյալ անակնկալ բարեհոգի հայտարարությունից հետո:

«Այս կոչը ամբողջովին անընդունելի է և ուղղակի հարձակում է ընդդեմ ժողովրդավարության իրավունքի օրենքի»,-նշված է Եվրոպական Ժողովրդավարական կուսակցության նախագահ Վիլֆրիդ Մարտենսի հայտարարության մեջ, որին միացել է Սաակաշվիլիի «Միացյալ ազգային շարժում» կուսակցությունը:

Միայն Ռուսաստանի հետ կապված փշոտ հարցերում էր Իվանիշվիլին իրեն վստահ զգում, պնդելով, որ նա ձգտելու է աջակցել Վրաստանի հյուսիսային հարևանի հետ առևտրական և մշակութային կապերի զարգացմանը. միաժամանակ նա խոստացավ բնավ չշեղվել Սաակաշվիլիի քաղաքական կուրսից՝ կապված ՆԱՏՕ և ԵՄ մտնելու հետ:

Իվանիշվիլիի համար փորձություն է լինելու պահել իր նոր հաղթանակած կոալիցիան, որն ընդգրկում է լիբերալներից մինչև անգամ ուլտրանացոնալիստներ: Նրանք բոլորը միասին այժմ պայքարում են մեկ ընդհանուր թշնամու դեմ: