The Economist. Իվանիշվիլիի շշմեցնող հաղթանակը (ֆոտո)

Միլիարդատեր Բիձինա Իվանիշվիլին անսպասելիորեն հաղթել է Վրաստանի խորհրդարանական ընտրություններում. գրում է The Economist-ը:

Բիձինա Իվանիշվիլին մի համարձակ խոստում տվեց մի տարի առաջ: Վրաստանի ամենահարուստ մարդը խոստացավ մի կոալիցիա ձևավորել` հաղթելու 2012թ. խորհրդարանական ընտրություններում և տապալելու նախագահ Միխայիլ Սաակաշվիլիի «բռնապետությունը»: Հոկտեմբերի 1-ին պրն. Իվանիշվիլիի «Վրացական երազանք» կոալիցիան հավաքեց ձայների 55%-ը: Պրն. Սաակաշվիլին մեծահոգաբար ընդունեց իր «Միացյալ ազգային շարժման» պարտվելը և պրն. Իվանիշվիլիի`իշխանության գալը:
Բայց Վրաստանը ևս մեկ տարի մնալու է նախագահական հանրապետություն, մինչև սահմանադրական ուղղումներն ուժի մեջ մտնեն: Իսկ մինչ այդ պրն. Իվանիշվիլիի իշխանությունը կսահմանափակվի: Նա անմիջապես կոչ արեց նախագահին հրաժարական տալ, ապա պաշտոնապես հերքեց դա: Սաակաշվիլին չի շարժվում: Եկող ամիսները կարող են հարթ չլինել:

 Երբևէ վրացական պատմության մեջ չի եղել դեպք, երբ կառավարությունը փոխվի այսքան խաղաղ և օրինական կերպով: Այն ավարտում է վերջին 8 տարիների այլ ձեռքերումները: Ժամանակակից Վրաստանը շատ հեռու է այն «վատ կառավարվող գետնախորշից», որի իշխանության գլուխ եկավ 2003թ.:

Տրանսպորտային համակարգերը և այլ հասարակական կառույցները փոփոխվել են: Մանր կաշառակերությունը վերացել է: Տնտեսությունն արագ զարգանում է: Բայց գործազրկությունը և աղքատությունը բարձր են, և շատերի համար կյանքը դժվար է:

Ինչպես է Իվանիշվիլիի` տարբեր ուժերից բաղկացած կոալիցիան գործ ունենալու այս հարցերի հետ, պարզ չէ: Նա չունի քաղաքական կենսագրություն և անհայտ էր ընդամենը 1 տարի առաջ: Նրա հիմնական քաղաքականությունն է` բարելավել հարաբերությունները Ռուսաստանի հետ: Վերջինս ջախջախել է Վրաստանին 2008թ. և օկուպացրել նրա տարածքի մեկ հինգերորդ մասը` ինքնակոչ Աբխազիայի և Հարավային Օսիայի պետությունները:

Պետության ղեկավարի պաշտոնում փոփոխությունը հարաբերությունների ջերմությունը ավելի դյուրին է դարձնելու:
Անհամաձայնության պատճառը Վրաստանի արևմտամետ կողմնորոշումն էր. նրա ցանկությունը միանալ ՆԱՏՕ-ին անընդունելի էր Ռուսաստանի կողմից և խորը թերահավատությամբ էր ընկալվում ՆԱՏՕ-ի մի շարք անդամների կողմից:

Իվանիշվիլին ևս նշեց, որ աջակցում դաշինքին անդամակցելը: Նրա առաջին ուղևորությունը, հնարավոր է, լինի դեպի ԱՄՆ: Բայց նոր վարչապետի իրական առաջնայնույթունն է լինելու վերականգնել առևտրական հարաբերությունները Ռուսաստանի հետ:

Կենտրոնանալով այլ հարցերի շուրջ` The Economist-ը նշում է` Իվանիշվիլին բարկացած էր վատ կառավարման հանգամանքի վրա, սակայն անորոշ էր իր հետագա գործողությունների հետ կապված:

Նա խոստացել է, որ վարչապետ է լինելու ոչ ավել, քան 2 տարի:

Սաակաշվիլիի կուսակցությունը այժմ պետք է կատարի նոր ենթակա ընդդիմության դեր: Այն կարող է փորձարկել իր միասնությունը:
Ընտրություններում որոշիչ գործոնը կարող են լինել բանտերում տանջանքները պատկերող տեսանյութերը:
Ամեն ինչ դեռ փխրուն է: