La Repubblica. Վենեսուելա. Ընտրություններից մի քանի ժամ առաջ (ֆոտո)

Թեկնածուներից ոչ ոք` ո՛չ Չավեսը, ո՛չ նրա հակառակորդ Կապրիլեսը, չի կասկածում իր հաղթանակին այսօր կայանալիք ընտրությունների ժամանակ. գրում է La Repubblica-ն:

Նախագահն իր քարոզարշավի ընթացքում ներդրել է ամեն ինչ` նպատակ ունենալով պահպանել վերահսկողությունը մի երկրի նկատմամբ, որն օրական արտադրում է մոտ 2.5 մլն բարել նավթ: Չավեսը հինգշաբթի օրը հայտարարել է նաև տոնական արարողությունների օր նշանակելու մասին:

Հետաքրքիր հայտարարություններով է հանդես եկել Չավեսը. «Ես կյանքի թեկնածու եմ, իսկ Կապրիլեսը` թեկնածու բուրժուազիայից», «Խնդրում եմ, իմ օգտին քվեարկե՛ք, այս անգամ չեմ հիասթափեցնի»:

Երկու թեկնածուներն էլ հարցազրույցներ են տալիս տարբեր միջազգային պարբերականների և հեռուսատեսությունների` ամեն տեղ հանդես գալով որպես հաղթող:

Հարցումներից մի քանիսը մատնանշում են ներկայիս նախագահի հաղթանակը` ընդամենը 5%-ի առավելությամբ: Մյուսները Կապրիլեսին են համարում հաղթող 2%-ի առավելությամբ, սակայն խնդիրը կայանում է նրանում, որ ընտրողների առնվազն 12%-ը հարցումների ընթացքում նշել է, որ դեռ չի կողմնորոշվել` քվեարկել ընդհանրապես, թե` ոչ, կամ եթե այո, ապա ում օգտին: Այս ընտրողների մի մասը հակված է Կապրիլեսի կողմը. սա, այսպես կոչված, «գաղտնի քվեարկություն է», քանի որ ոմանք վախենում են ինչ-որ պատճառներով հանդես գալ Չավեսի դեմ: Եվ վերջին պահին` քվեարկելուց անմիջապես առաջ, ևս այդ վախը կարող է գերակայել: