The Daily Star. Հռոմի Պապի սեղանապետը ենթարկվել է 18 ամսվա ազատազրկման
Համաշխարհային Մամուլ
Երեկ Վատիկանի դատարանը Բենեդիկտոս 16-րդի նախկին սեղանապետ Պաոլո Գաբրիելեին դատապարտել է 18 ամսվա ազատազրկման այն բանի համար, որ նա առևանգել է սկանդալներ բացահայտող գաղտնի պապական փաստաթղթերը: Նրա գործը ստացել էր «Vatileaks» անվանումը:
Գլխավոր դատավորը, ով ի սկզբանե սեղանապետին դատապարտել էր երեք տարվա ազատազրկման, անմիջապես կրճատել էր պատժաչափը` հաշվի առնելով նրա ծառայությունը Կաթոլիկ եկեղեցուն, ինչպես նաև այն հանգամանքը, որ նա գրավոր ներողություն էր խնդրել Պապից` նրան դավաճանելու համար:
Վատիկանի խոսնակ Ֆեդերիկո Լոմբարդին հայտնել է լրագրողներին, որ Պապը, ամենայն հավանականությամբ, կների նախկին սեղանապետին, որն այս պահին գտնվում է տնային կալանքի տակ:
«Ես գործել եմ` ելնելով բացառապես Քրիստոսի եկեղեցու և երկրի վրա նրա առաջնորդի նկատմամբ սիրուց,-ասել է Գաբրիելեն և ավելացրել,-Ես չեմ կարծում, որ ես գող եմ»:
Վատիկանի ոստիկանությունը հայտնել է, որ պապական պալատից գողացված հազարավոր փաստաթղթեր են գտնվել Գաբրիելեի տանը, որոնց շարքում` կարդինալներից և քաղաքական գործիչներից ստացված նամակներ, որոնց վրա Պապն ինքը կատարել է «Ոչնչացնե՛լ» գրառումը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
