Der Spiegel. Նիգերիայի բանակը տասնյակ իսլամիստների է սպանել
Համաշխարհային Մամուլ
Երկրի հյուսիսում տեղի ունեցած ռազմական գործողության ժամանակ Նիգերիայի զինված ուժերը Բոկո Հարամ խմբավորման դեմ կազմակերպած հարձակման ժամանակ սպանել են 30 իսլամիստի, այդ թվում՝ զինված խմբավորման դաշտային հրամանատարին: Խմբակցության տասնյակ անդամներ ձերբակալվել են: Իսկ բանակի կողմից տված զոհերի մասին ոչինչ չեն հայտնում:
Իսլամիստական ուժերը պայքարում են գերազանցապես մուսուլմաններով բնակեցված Նիգերիայի հյուսիսում իսլամիստական աստվածապետություն ստեղծելու համար: Բոկո Հարամ տեղական բարբառով նշանակում է՝ «Արևմտյան կրթությունն արգելված է»: Զինված խմբավորումները, որոնք իրենց նաև նիգերական թալիբներ են անվանում, մերժում են արևմտյան կենսակերպի ցանկացած դրսևորում և վերջին տարիներին հատկապես լուրջ հարձակումներ են կազմակերպում առաջին հերթին Նիգերիայի մուսուլմանաբնակ հյուսիսում բնակվող քրիստոնյաների դեմ:
Հիշեցնենք, որ անցյալ շաբաթ անհայտ անձինք հարձակվել էին ուսանողական հանրակացարանի վրա, որ սպանվել էր նվազագույնը 26 ուսանող:
Հանցագործներին այդպես էլ չհայտնաբերեցին, սակայն նախնական վարկածի համաձայն, ահաբեկչության հետևում հենց Բոկո Հարամ խմբավորումն էր կանգնած: Մի քանի օր առաջ ոստիկանությունը մեծամասշտաբ գործողություններ էր իրականացրել իսլամական գրոհայինների դեմ:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
