Սերժ Թանկյանը թողարկում է իր նոր՝ «Amber» երգը, տեսահոլովակի համաշխարհային պրեմիերան տեղի կունենա այսօր

Սերժ Թանկյանը ամբողջ աշխարհի հանդիսատեսի համար կթողարկի իր նոր ժողովրդական-դասական «Amber» երգը գալիք չորեքշաբթի՝ հունիսի 8-ին։ Երգը Թանկյանի մայրենի լեզվով է, որի համար հիմք է հանդիսացել նրա հայրենիքը: Երգի վերնագիրը՝ «Amber»-ը, որը հայերենով նշանակում է «ամպեր», ունի այլաբանական համատեքստ: Սինգլը կարող եք նախապես պահպանել ԱՅՍՏԵՂ։ 

«Amber» Շապիկի նկարազարդում

Թանկյանը բացատրում է. ««Amber»-ը գրվել է 2017 թ.-ին, երբ իմ ընկերներ Ատոմ և Արսինե Էգոյանների և Էրիկ Նազարյանի հետ այցելեցի Հայաստան՝ խորհրդարանական ընտրություններում դիտորդներ հանդիսանալու համար որպես «Արդարություն հանուն Հայաստանի» կոալիցիայի անդամ: Քվեատուփին չհասած ՝ընտրությունների ճարպիկ գողությունից այնքան էի ցնցված, որ ի պատասխան գրեցի այս երգը։ 

Երգի խոսքերն այսօր ավելի ակնառու են, քանի որ հայերը պառակտված են քաղաքականապես և սոցիալապես՝ հաջորդելով 2020թ.-ի Ադրբեջանի և Թուրքիայի կողմից Լեռնային Ղարաբաղի և Հայաստանի վրա ավերիչ հարձակմանը և այդ երկու բռնապետական ռեժիմների հետ բանակցությունների շարունակական հակազդեցություն: «Amber»-ի ուղերձը դեպի միասնությունն ու ներդաշնակությունն է, որոնք հայ ազգի միակ և իսկապես հզոր ուժերն են»:  

Երգի վերջնական տարբերակը ավարտին է հանձնվել 2022թ.-ին։ Թանկյանի կատարումի հետ մեկտեղ, երգը ներառում է մեկ այլ հայ նշանավոր երգչի՝ Սևակ Ամրոյանի վոկալը։ Ամրոյանին հայրենիքում և ողջ Սփյուռքում մեծարում են հայկական ավանդական և ժամանակակից ժողովրդական հոգելից հնչյունների համար:

Սևակ Ամրոյանին «Amber» երգի վերջնական տարբերակում ընդգրկելու իր որոշման վերաբերյալ Թանկյանն ասում է. «Սևակի ձայնը եզակի ուժ ունի՝ մեզ վերադարձնելով դեպի մեր ժողովրդի հայրենի հողերը: Ես սիրով լսում էի նրա երգերը, որոնցից էր «Յարխուշտա»-ն, այնպես որ նրան հանդիպելուց ի վեր մեծ ակնկալիքով սպասում էի միասին աշխատելուն»:      

Ամրոյանը ,ով բնակվում է Երևանում, մեծացել է՝ ականատես լինելով Խորհրդային Միության փլուզումից ի վեր Հայաստանի զարգացող ժողովրդավարության բարձունքներին և վայրէջքներին:   

Թանկյանի հետ համատեղ «Amber»-ը երգելու իր որոշման մասին խոսելիս նա ասում է. «Բնականաբար Սերժ Թանկյանին լսել եմ դեռ մանկուց ու միշտ հպարտությամբ:

Ծանոթանալով Սերժի հետ հասկացա, որ աշխարահռչակ լինելուց բացի, նա լավ հայ է ու բացառիկ հայրենասեր: 

Ես շատ ուրախ եմ մեր համագործակցության համար ու շնորհակալ Սերժին, որ Ամպեր երգը միասին ենք ասօր երգում: Ինձ համար մեծ պատիվ է»։ 

«Amber» երժշտական տեսահոլովակի պրեմիերան տեղի ունեցավ րոպեներ առաջ և հասանելի է ստորև նշված հղումով։

Երժշտական տեսահոլովակը (ռեժիսոր՝ Հրագ Եդալյան) ներկայացնում է Թանկյանին և Ամրոյանին, որոնք կադրի երկու կողմերում երգում են իրենց մասերը, մինչ մի երիտասարդ տղա (Դարեն Չիլինգիրյան) էկրանի կենտրոնում է՝ էսքիզների ալբոմը ձեռքին: Երբ տեսահոլովակը զարգանում է, տղան սկսում է թերթել էսքիզների ալբոմը՝ բացահայտելով ձեռագիր արտահայտություններ և հայերեն երգի խոսքերին համահունչ բովանդակալի պատկերներ: Երբ «Amber»ը հասնում է իր կրեշենդոյին, տղան սկսում է ճմրթել էսքիզների ալբոմի էջերը և գցել գետնին: Մինչ երգի վերջին նոտաներն են հնչում, տեսախցիկը ցած է իջնում՝ ցույց տալու, որ ճմրթված էջերը ձևավորվել են Հայաստանի և Լեռնային Ղարաբաղի (Հայաստանում և Սփյուռքում հայտնի է որպես՝ Արցախ) քարտեզը։ «Amber» երգի խոսքերը (թե՛ հայերեն, թե՛ անգլերեն թարգմանությամբ) հասանելի են Թանկյանի Յութուբյան էջում՝ տեսահոլովակի ներքո (https://youtu.be/xb99fX7e3GI)։   

Թանկյանն իր անձնական և մասնագիտական կարիերայի ընթացքում պայքարել է բազմաթիվ հասարակա-քաղաքական հարցերի արդարության համար ամբողջ աշխարհում՝ հաճախ կիրառելով երաժշտությունը որպես գործիք՝ ոգեշնչելու և միավորելու մարդկանց ձայները խոհուն փոփոխությունների համար։ «Amber»-ը հանդիսանում է այս երկարատև ջանքերի ամենանոր էջը։