The Washington Post. Վրացական նոր կառավարության կարևոր պաշտոնները անցնելու են Արևմուտքին «քաջածանոթ» դեսպանների

Վրաստան 9 Հոկտեմբեր, 2012 2:58

Միլիարդատեր Բիձինա Իվանիշվիլին երկուշաբթի ընտրել է արևմտամետ կողմնորոշումներով 2 նախկին դեսպանների, ովքեր կզբաղեցնեն կառավարության գլխավոր պաշտոնները, երբ վերջինս ամսվա վերջին վարչապետ կդառնա, գրում է The Washington Post-ը:

Իվանիշբիլիի ընտրությունները ուժեղացնում են նրա խոստումը. սերտ հարաբերություններ հաստատել ԱՄՆ-ի հետ և աշխատել Եվրամիությանն անդամակցելու հարցի շուրջ:

Կառավարության մնացած անդամների թվում հայտարարվել են Մայա Փանջիկիձեն' ԵՄ պետություններում Վրաստանի նախկին դեսպանը, ով դառնալու է արտգործնախարար և Իռակլի Ալասանիան' ՄԱԿ-ում Վրաստանի նախկին դեսպանը, ով զբաղեցնելու է պաշտպանության նախարարի պաշտոնը:

Ապագա արտգործնախարարը նշել է, որ Վրաստանի արևմտամետ քաղաքականությունը չի փոփոխվի: «Սա Վրաստանի ժողովրդի ընտրությունն է»,- ասել է Փանջիկիձեն, ով 2004-2007թթ. և 2007-2010թթ. եղել է Գերմանիայում Վրաստանի դեսպանը:

«Մեր հիմնական գործընկերը կլինի ԱՄՆ-ը, և այս հարաբերություները պետք է խորանան: Բայց մենք չպետք է մոռանանք մեր հարևաններին' մոտիկ և հեռու, և մենք պետք է սկսենք Ռուսաստանի հետ հարաբերություններով», - նշել է նա:

38-ամյա Ալասանիան, ով եղել է ՄԱԿ-ում Վրաստանի մշտական ներկայացուցիչը 2006 թվականից մինչև 2008թ. դեկտեմբերը' այնուհետև հեռանալով պաշտոնից և միանալով ընդիմությանը:

Իվանիշվիլին հայտարարել է, որ ինքը դեռևս աշխատում է ֆինանսների, տնտեսական զարգացման և կրթության նախարարների նշանակումների վրա:

Նոր կառավարությունը' Իվանիշվիլիի գլխավորությամբ, հաստատվելու է այն բանից հետո, երբ հոկտեմբերի 20-ին նոր խորհրդարանը հավաքվի: