The Daily Star. ՆԱՏՕ-ն Սիրիայի դեմ Թուրքիային օգնելու նախագծեր է կազմում
Համաշխարհային Մամուլ
ՆԱՏՕ-ն հայտնել է, որ Թուրքիային օգնելու նախագիծ է կազմել, որոնք գործի կդնի, եթե Սիրիան սահմանում կրկին իրականացնի հարձակումներ, որոնց արդյունքում երեքշաբթի օրը տասնյակ արաբներ էին զոհվել։
«Ասադը կանգնած է մնում միայն հենարանների միջոցով,-ասել է Թուրքիայի վարչապետ Թայիփ Էրդողանը կառավարող կուսակցության համագումարի ժամանակ։- Նրա վերջը կգա, երբ հենարաններն ընկնեն»։
Էրդողանը նախազգուշացրել է, որ Թուրքիան չի խուսափի պատերազմից, եթե ստիպված լինի գործել։ Բայց նրա կառավարությունն ընդգծել է, որ չի շտապի լայնածավալ ռազմական գործողություն ծավալել սիրիական հողում, և նույնիսկ այդ դեպքում՝ միայն միջազգային աջակցությամբ։
Միևնույն ժամանակ ՆԱՏՕ-ի գլխավոր քարտուղար Անդերս Ֆոգ Ռասմուսենը Բրյուսելում ասել է, որ այդ 28 անդամ ունեցող ռազմական դաշինքը հույս ունի սահմանում աճող լարվածությունը մեղմացնելու ուղի գտնել։
«Մենք ունենք բոլոր անհրաժեշտ պայմանները Թուրքիային պաշտպանելու համար»,-ասել է նա։
Նշենք, որ Սիրիայում շարունակվում է պայքարը կառավարական ուժերի և ապստամբների միջև։ Արդեն իսկ 30.000 մարդ է զոհվել այնպիսի քաղաքներում, ինչպիսիք են Հալեպը, Հոմսը, իսկ մայրաքաղաք Դամասկոսի համար կատաղի պայքար է ընթանում։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
